Daniel 11:29 - Wuj Pa K'ubultzij

²⁹ Are kuriq i ij chi ch'iktalik, keutaq chub'i i je rajch'oj chkij i je aj pa wiqab'; xwiri che i ch'oji kch'akan taj keje taj pacha i nab'e mul.

Daniel 11:29 Referans Kwoze

Hechos 17:26

Xa che jun winaq Ire xeu'an k'iyal nimaq taq tinimit, re kek'iji chwach ronojel i jyub' ta'aj xaq uch'ikom i ij re kik'aslemal xaq i k'ijib'al ipa kek'iji wi,

Daniel 11:25

Lik rumal ucho'ab' xaq ukowil uk'ux ku'an ni ch'oj chrij i ajawinel re pa wiqab' ru' ucho'ab' jun nim laj tzob'aj achiyab' chi je yij che i ch'oj. I ajawinel re pa wiqab' lik kula' ni uwach ru' ukowil uk'ux, xaq ke'ok ni pa ch'oj ru' uk'iyal winaq chi je yij che i ch'oj chi xaq ronojel ketiki che; xwiri xa kt'orik man ktiki ti che kicho'ab' i achiyab' chi je yij che i ch'oj chi je ajch'oj chrij ire.

Daniel 11:23

Xaq keut'or ni ni'pa i xki'an i trat re amiy ru' ire, tupu ne te k'i i winaq uk'amom b'ik xwiri keuch'ak na.

Daniel 10:1

Che urox junab' re rajawinik ma Ciro re i tinimit Persia, ma Daniel chi xaq ub'i ma Beltsasar, xril jun saqil laj ilik puwach, xwiri lik k'ax umajik usuk' wach ke'eloq. Xwiri ma Daniel lik xutatb'ej ile rumali lik xuta ub'e wach kraj ub'ixkil.

Daniel 8:19

xub'ij chwe: Kinb'ij usuk' chawe wach kk'ulmaxik are kk'is i ij re i roywal i Dios, man i ilanik pa wachij are klapan chrij wach usuk' i k'isb'al ij.

ISAÍAS 14:31

¡Lik chixo' yix chi ix re i tinimit Filistea, chixsik'in rumal uk'axk'ol, lik chixsiksat rumal i xib'rikil! Man pa moxab' kpe wi julemaj achiyab' chi je yij che i ch'oj, lik kelememik pacha sib' xaq pacha sutz', lik mijun achi kel pucholajil.

Gálatas 4:2

I alk'uwalxel le o i kechajiw na, xaq keje che i ub'itaq re. Man kk'iji ni pki'ab' i je yatal puwi k'a kuriq ni ij chi ch'iktal rumal uqajaw.

Daniel 11:28

I ajawinel re pa moxab' ktzalij chali putinimit ru' ronojel taq ub'eyomal chi xrel-aj loq are xu'an i ch'oj, te'uri kuya ti chik uwach ru' i lo'laj trat; ku'an na pacha i uch'ob'om, te'uri ktzalij chik putinimit.

Daniel 11:30

I uwinaq chi je yij che i ch'oj k-ani ch'oj chkij kumal i je aj puqajb'al ij chi je k'amtal li pa taq barco, rumal i kixib'rikil xkijeq anmajik. Are uri i ajawinel re pa moxab' lik kresaj roywal che i lo'laj trat, xeuk'am i jub'an chi xkixutuj kan i trat, re kechakun ru' ire.