Daniel 11:26 - Wuj Pa K'ubultzij

²⁶ Chi xaq je are ike le chi xeusik'ij ru' che i wa'im chwi umexa, xkiyijb'a ni tzaqsab'al re, man i uwinaq chi je yij che i ch'oj ketzaq na, xaq je k'i ni uwinaq le chi je yij che i ch'oj kekam na.

Daniel 11:26 Referans Kwoze

Daniel 11:10

Xwiri i rak'al i ajawinel re i moxab' kkiyijb'a kib' re i ch'oj xaq kkimol kichi' i winaq re kkiyijb'a jun nim laj tzob'aj achiyab' chi je yij che i ch'oj. Jun chke ike junam ku' i rajch'oj ke'e pa ch'oj chkij i je o pa wiqab', lik ronojel kusach ni kiwach pacha ku'an jun raqana are lik knimarik chi lik kel pub'e; te'uri ku'an tan chik ch'oj, k'a kupon ni che i tob'al ib' re i ajawinel re pa wiqab'.

Juan 13:18

Man iwonojel ti kixinlapo, man weta'am pachin je in-ulum. Xwiri rajwaxik chi k-antaj na pacha kub'ij uwuj i Dios: I jun chi kutij uwa wu' are i ajch'oj chwij.

Marcos 14:20

I Jesús xula' uwach chke: —Jun chiwe yix, chi ix kab'lajuj, are i jun chi kumu uwa wu' pa laq.

Mateo 26:23

Ire xub'ij: —I jun chi kumu uwa pa laq wu' Yin, are ire uri kinjachaw na.

Daniel 11:40

Are kuriq i k'isb'al ij, i ajawinel re pa wiqab' ku'an ni ch'oj chrij i ajawinel re pa moxab'; xwiri ire kel nu b'i chuk'ulaxik chi pacha taq jun tew jab', ktzaq ni puwi i wiqab', chi lik knoj ni i tinimit che i ch'ich' re i ch'oj, ajch'oj rij taq kaway xaq uk'iyal taq barco.

Daniel 11:22

Lik kusachsaj ni uwach ronojel i cho'ab' chi ke'atiw ire, xaq kukamsaj ni aj-atzil re i trat.

Salmos 41:9

Xaq i utz laj wamiy chi lik inkub'am ink'ux che, chi junam kqatij qawa ru', lik x-on jun ajch'oj chwij.

2 Reyes 8:14

Ma Hazael xu'ijla kan ma Eliseo, are uri x-e ru' i ajawinel, are xuponik, xtz'onox che: —¿Wach xub'ij ma Eliseo chawe? Ma Hazael xub'ij che: —Ire xub'ij chwe chi katutzir ni che i yob'il le, lik katk'asi na.