Daniel 11:25 - Wuj Pa K'ubultzij

²⁵ Lik rumal ucho'ab' xaq ukowil uk'ux ku'an ni ch'oj chrij i ajawinel re pa wiqab' ru' ucho'ab' jun nim laj tzob'aj achiyab' chi je yij che i ch'oj. I ajawinel re pa wiqab' lik kula' ni uwach ru' ukowil uk'ux, xaq ke'ok ni pa ch'oj ru' uk'iyal winaq chi je yij che i ch'oj chi xaq ronojel ketiki che; xwiri xa kt'orik man ktiki ti che kicho'ab' i achiyab' chi je yij che i ch'oj chi je ajch'oj chrij ire.

Daniel 11:25 Referans Kwoze

Daniel 11:2

I wo'or kinya retamaxik i saq laj tzij chawe: K'a kerajawin ni pa tinimit Persia oxib' ajawinelab', chrijil ile kk'iji ni che i atb'al tzij jun ukaj ajawinel chi lik mas b'eyom chkiwach i oxib'. I rumal ub'eyomal le kuriq ni nim laj cho'ab', lik kuyijb'a ni ch'oj chrij i ajawinik re i tinimit Grecia.

Proverbios 28:25

Jun winaq chi lik ajrayinel pwaq kuto' ch'oj; xwiri i jun chi kukub'a uk'ux che i Ajwal, kel ni chisaq.

Proverbios 15:18

I winaq chi lik k'an kuto' uri i ch'oj; xwiri i jun chi k'an taj ku'atij i ch'oj.

Daniel 11:10

Xwiri i rak'al i ajawinel re i moxab' kkiyijb'a kib' re i ch'oj xaq kkimol kichi' i winaq re kkiyijb'a jun nim laj tzob'aj achiyab' chi je yij che i ch'oj. Jun chke ike junam ku' i rajch'oj ke'e pa ch'oj chkij i je o pa wiqab', lik ronojel kusach ni kiwach pacha ku'an jun raqana are lik knimarik chi lik kel pub'e; te'uri ku'an tan chik ch'oj, k'a kupon ni che i tob'al ib' re i ajawinel re pa wiqab'.

Daniel 11:5

I ajawinel re pa wiqab' lik o ni ucho'ab', xwiri jun chke uwi ujolom i rajtaqon lik k-on ni mas nim ucho'ab' chwach ire, xaq lik kunimarsaj b'i ucho'ab' pkiwi k'iyal taq tinimit.

Daniel 11:40

Are kuriq i k'isb'al ij, i ajawinel re pa wiqab' ku'an ni ch'oj chrij i ajawinel re pa moxab'; xwiri ire kel nu b'i chuk'ulaxik chi pacha taq jun tew jab', ktzaq ni puwi i wiqab', chi lik knoj ni i tinimit che i ch'ich' re i ch'oj, ajch'oj rij taq kaway xaq uk'iyal taq barco.