Daniel 11:2 - Wuj Pa K'ubultzij

² I wo'or kinya retamaxik i saq laj tzij chawe: K'a kerajawin ni pa tinimit Persia oxib' ajawinelab', chrijil ile kk'iji ni che i atb'al tzij jun ukaj ajawinel chi lik mas b'eyom chkiwach i oxib'. I rumal ub'eyomal le kuriq ni nim laj cho'ab', lik kuyijb'a ni ch'oj chrij i ajawinik re i tinimit Grecia.

Daniel 11:2 Referans Kwoze

Apocalipsis 21:5

Are uri, i jun chi kul pa kub'ib'al chi o u'ij xub'ij: “Yin, wo'or kin-an ni k'ak' che ronojel ni'pa i olik.” Xaq xub'ij: “Chatz'ib'aj i tziji chi kinb'ij chawe, man lik qatzij, lik utz kakub'a ak'ux che.” Xcha.

Daniel 8:26

I ilik pa wachij re i qajb'al taq ij xaq re usaqirb'al yatal retamaxik chawe, lik saq laj tzij; xwiri yet wuwaj ni uwach, man kuk'ulmaj na are ik'awnaq chik k'iyal taq junab'.

Juan 10:35

Yoj qeta'am chi ronojel ni'pa kub'ij uwuj i Dios lik qatzij. I Dios xub'ij dios chke i winaq chi xub'ij utzij chke.

AMÓS 3:7

I Ajwal nti to' xaq ku'ano we kuya ti retamaxik chke i rajchak chi je profeta.

Daniel 11:25

Lik rumal ucho'ab' xaq ukowil uk'ux ku'an ni ch'oj chrij i ajawinel re pa wiqab' ru' ucho'ab' jun nim laj tzob'aj achiyab' chi je yij che i ch'oj. I ajawinel re pa wiqab' lik kula' ni uwach ru' ukowil uk'ux, xaq ke'ok ni pa ch'oj ru' uk'iyal winaq chi je yij che i ch'oj chi xaq ronojel ketiki che; xwiri xa kt'orik man ktiki ti che kicho'ab' i achiyab' chi je yij che i ch'oj chi je ajch'oj chrij ire.

Daniel 8:4

Xwilo chi i chij kto'on ru' i rok'a' pusuk' uqajb'al ij, pa moxab' xaq pa wiqab', xaq mijun chik chikop kuch'ij ucho'ab', xaq ketiki ti che i anmajik chwach i k'ax chi ku'an chke, lik ku'ano pacha kraj ire, lik arewi ij ij kpe mas ucho'ab'.

Daniel 7:5

I ukab' keje ktzunik pacha jun yum, i juperaj che uch'akul mas yaktajnaq chwach i jun chik juperaj, chi o oxib' b'aq re k'alk'ax puchi' xol uware; xaq xinta chi kkib'ij che: ¡Jat, chatija b'i ni'pa taq i ti' chi kach'ij utijawik!

Proverbios 22:21

ile re k'utb'al re i saq laj tzij chawe, man keje ile lik utz ni ula'ik uwach i tzij ka'an chke i ketz'onow chawe.

Daniel 10:1

Che urox junab' re rajawinik ma Ciro re i tinimit Persia, ma Daniel chi xaq ub'i ma Beltsasar, xril jun saqil laj ilik puwach, xwiri lik k'ax umajik usuk' wach ke'eloq. Xwiri ma Daniel lik xutatb'ej ile rumali lik xuta ub'e wach kraj ub'ixkil.

Daniel 8:21

I me' are i ajawinel re i tinimit Grecia, i nim laj rok'a' chi o chuxol ub'a'wach are i nab'e i ajawinel.

Esdras 4:7

Are xuriq ij chi xok ma Artajerjes pa ajawinik puwi i tinimit Persia, are uri ma Bislam, ma Mitrídates, ma Tabeel xaq i jub'an chik rachi'il, xkitz'ib'aj b'i jun wuj che ma Artajerjes. I wuj le chi xkitz'ib'aj b'ik, tz'ib'tal pa ch'ab'al aj Aram xaq atsam b'i puch'ab'al i ajawinel le.

Esdras 4:24

Keje uri ile chi xch'aqi uyakik i rachoch i Dios chila pa Jerusalén k'a che ukab' junab' rajawinik ma Darío chi ajawinel pa Persia.

Ester 1:1

I anoji x-ani che taq i ij are krajawin ma Asuero pkiwi wuqub' waqwinaq (127) tinimit, chi kjeqan b'i che i nim laj tinimit India, kupon k'a che i nim laj tinimit Etiopía,