19 Lik k'a chila i ajawinel kujek' rib' che i tob'al taq ib' re utinimit; xwiri o ni jun k'ax, kuk'ulmaj chi lik kutoj ni ru' uk'aslemal xaq lik arewi kkuxtax ti chik ire.
¡Kkich'ij ti anmajik i jub'an chi lik kkich'ij i b'e, xaq kkich'ij ti uto'ik kib' jub'an chi lik ko kiwach! Pa moxab', chunaqaj i raqana Éufrates, kkitakij kaqan xaq ketzaqik.
Lik krank'at na pacha jun ab'arel xaq ktank'ay na pacha jun ch'uxja chi nti chik ucho'ab'. I umak lik al na o puwi chi ktzaq ni chuxe' xaq kuch'ij ti chik walijik.
Xwiri, jun chke i ralk'uwal ku'an ni ch'oj chkij achiyab' chi je yij che i ch'oj aj pa moxab' xaq kk'iji ni che i k'ijib'al re tob'al ib' chi re te'eq i ajawinel, xaq i k'iyal taq utzob'ajil ketiki ni chuch'akik i ch'oj.