Daniel 11:15 - Wuj Pa K'ubultzij

¹⁵ I ajawinel re pa moxab' kk'un chuyakik jun elb'al b'ik chrij chwach jun nim laj tinimit chi sutim rij ru' uwach xan nim uwach, lik kuch'ak na xaq kuk'am na. Mitene i jutzob'aj achiyab' chi lik je yij che i ch'oj chi lik o kicho'ab' re pa wiqab', ketiki ti chu'atixik i je ajch'oj chkij.

Daniel 11:15 Referans Kwoze

Ezequiel 17:17

Are i ajawinel re Babilonia ku'an ch'oj chrij xaq kuyak i elb'al b'ik xaq i tapial chrij chwach i tinimit, xaq keukamsaj i k'iyal winaq, ma faraón kutaq tu b'i k'iyal achiyab' chi je yij che i ch'oj chkito'ik xaq mitene uk'iyal to' winaq,

JEREMÍAS 6:6

I Ajwal chi ronojel ktiki che uya'om i taqaniki: “Chik'atzij i che' re anb'al re i elb'al b'ik pa tinimit Jerusalén anb'al ch'oj chrij. I tinimit lik k'oqtal chik rumal uya'ik jun tojb'alil puwi man lik to' kamsanik ku'ano.

Ezequiel 4:2

Te'uri chasutij rij ku' i achiyab' chi je yij che i ch'oj xaq ru' i b'iroxik re ch'ojb'al, cha'ana jun tapial chrij chwach, i jun anb'al b'ik, man keje ile k-aljinik pacha jun tinimit sutim rij.

Daniel 11:6

Are ik'awnaq chik keb' oxib' junab', chekeb' kki'an ni jun trat: I ajawinel re pa wiqab' kuya ni umi'al chi kk'uli ru' i ajawinel re pa moxab', man keje ile kki'an i chomb'al ib' chkiwach i keb' nimaq taq tinimit. Xwiri i kich'ob'onik kel ti utz, man ire, rak'al, rachijil, xaq i rajtaqon lik kekamsax na.

Daniel 8:7

I xu'aj chekeb' rok'a' che, i ma chij lik nti ucho'ab' re kkichap kib' che i ch'oj ru'. Te'uri i me' xuk'aq i chij pulew, lik xuya'ya chaqan chi lik mijun ktiki chuto'ik.

JEREMÍAS 52:4

Che i lajuj ij re i lajuj ik' re i ub'elej junab' che i rajawinik ma Sedequías, i ajawinel ma Nabucodonosor xumaj b'i ub'e junam ku' konojel achiyab' chi je yij che i ch'oj, xe'e chu'anik ch'oj chrij i Jerusalén, lik xkisutij rij. Xe'uxlan pan chwach, xaq chrij chwach xki'an ral taq cholchol yoch re kelb'al b'ik are kki'an ch'oj chkij.

JEREMÍAS 33:4

Yin in Ajwal, chi ki-Dios aj Israel, o jun tzijonik kinya'o, chrij i ja chi je o pa tinimit Jerusalén xaq i kachoch i ajawinelab' chi je o pa tinimit Judá, chi kwulijsax na. Are k-an b'i elik chu'anik ch'oj ru' ch'ich' chi k'ulala o uware chkij aj Caldea chi xaq kki'an kik'awb'al, kki'anb'ej ch'oj chrij i tinimit, ile xwi kuriq uchak chke re kkinojsaj che kich'akul i kamnaq. Yin, are lik mi'naq woywal keinkamsaj na, man lik kink'ut ti inpalaj chke i tinimit le, rumal i mak atzalal chi ki'anom.

JEREMÍAS 5:10

¡I je ajch'oj chkij lik che'okoq xaq chkisacha uwach ronojel i tikon chi o chila pa tikb'al uva, xwiri lik ronojel taj kkisach uwach. ¡Chki'oqij u'ab' taq i uva, man ile tikb'al ti chik in-uva!

JOSUÉ 1:5

Ronojel ij re ak'aslemal mijun uri katuch'ako, keje pacha rok'axik etz mam Moisés xin-ano xaq keje awok'axik yet ile kin-an na, lik katwo'taj taj.

Daniel 11:14

Are k-antaj iri, lik je k'i na kewalij chrij i ajawinel pa wiqab'. Chkixol ike je o ni jujun itzel laj taq achiyab' aj Israel, keje pacha x-iltaj pa wachij, xwiri kech'akan taj.