Daniel 11:13 - Wuj Pa K'ubultzij

¹³ I ajawinel re pa moxab' kuyijb'a chik jutzob'aj achiyab' chi je yij che i ch'oj, mas nim chwach i nab'e, are kik'aw keb' oxib' junab' ku'an tan chik ch'oj chkij aj pa wiqab' ru' uk'iyal taq tzob'aj chi lik je yij che i ch'oj, lik o kich'ojb'al.

Daniel 11:13 Referans Kwoze

Daniel 4:16

Chu'ana ch'uj ujolom, chu'ana pacha ujolom jun chikop, i k'ax le chuch'ija ni wuqub' junab' che.

Daniel 12:7

I achi chi ukojom u'u' re lino xuyak u'ab' chikaj i xusaqij pub'i i Dios k'aslik, xub'ij: Che i oxib' junab' ru' nik'aj, are kk'is uyej puwi ucho'ab' utinimit i Dios, are uri kk'is ni ronojel i b'iroxiki.

Daniel 11:12

I ch'akanik chi xtiki che i uk'iyal taq ajch'oj chrij chi xekamik lik ku'an ni nim che u'ij ire, xwiri i ucho'ab' lik knajtin taj.

Daniel 11:14

Are k-antaj iri, lik je k'i na kewalij chrij i ajawinel pa wiqab'. Chkixol ike je o ni jujun itzel laj taq achiyab' aj Israel, keje pacha x-iltaj pa wachij, xwiri kech'akan taj.

Daniel 11:40

Are kuriq i k'isb'al ij, i ajawinel re pa wiqab' ku'an ni ch'oj chrij i ajawinel re pa moxab'; xwiri ire kel nu b'i chuk'ulaxik chi pacha taq jun tew jab', ktzaq ni puwi i wiqab', chi lik knoj ni i tinimit che i ch'ich' re i ch'oj, ajch'oj rij taq kaway xaq uk'iyal taq barco.