Daniel 11:11 - Wuj Pa K'ubultzij

¹¹ Are i ch'oj chi xeu'ana i jutzob'aj ajch'oj re i atol tzij pa moxab' lik kupetsaj ni roywal i ajawinel re i k'ijib'al wiqab', ire le kel na li pa ch'oj chkij i nim laj tzob'ajil chi ajch'oj chrij, lik keuch'ak ni konojel.

Daniel 11:11 Referans Kwoze

Daniel 8:7

I xu'aj chekeb' rok'a' che, i ma chij lik nti ucho'ab' re kkichap kib' che i ch'oj ru'. Te'uri i me' xuk'aq i chij pulew, lik xuya'ya chaqan chi lik mijun ktiki chuto'ik.

Daniel 11:5

I ajawinel re pa wiqab' lik o ni ucho'ab', xwiri jun chke uwi ujolom i rajtaqon lik k-on ni mas nim ucho'ab' chwach ire, xaq lik kunimarsaj b'i ucho'ab' pkiwi k'iyal taq tinimit.

Daniel 11:44

Xwiri kuta ni utzijol chi kpe prelb'al ij xaq pa moxab', chi kkanajik uxim rib' rumal; are uri ru' nim laj roywal kel nu b'ik ru' jun ch'ob'onik chi ku'an jun nim laj kamsanik,

Daniel 2:38

xaq i rajawinik pkiwi konojel i k'ijib'al chi je o winaq chwach, chikop, xaq i tz'ikin; Ire lik uya'om ronojel pa'ab' yet, Nim laj Winaq, chi at are i jolomaj an-o'oj.

JEREMÍAS 27:6

B'ay, yin inya'om ronojel ni'pa ulew pu'ab' wajpatan ma Nabucodonosor, ajawinel re i tinimit Babilonia, xaq je inya'om ne ni'pa chikop aj pa taq es pu'ab'.

Salmos 76:10

Ni'pa roywal i winaq kyiji che ab'ixaxik, ¡Tupu xa pich' roywal, lik kyiji che akoron!

1 Reyes 20:28

Are uri xupon jun profeta ru' i ajawinel ke aj Israel, xub'ij che: —Keje iri kub'ij i Ajwal: “I aj Siria xkib'ij chi Yin in Dios aj tzam taq jyub', xwiri in Dios taj re chwa taq ta'aj, rumali keinjach ni konojel i winaq le pa'ab'. Keje ile kawetamaj na chi Yin in Ajwal.” —Xcha.

1 Reyes 20:13

Are uri jun profeta xupon ru' ma Acab, chi ajawinel ke aj Israel, xub'ij che: —I Ajwal ub'im: “Tupu yet keawil k'iyal ajch'oj chawij, xwiri yin keinjach ni pa'ab' wo'or, man keje ile kawetamaj na chi yin in Ajwal.”

Daniel 11:12

I ch'akanik chi xtiki che i uk'iyal taq ajch'oj chrij chi xekamik lik ku'an ni nim che u'ij ire, xwiri i ucho'ab' lik knajtin taj.

Daniel 11:40

Are kuriq i k'isb'al ij, i ajawinel re pa wiqab' ku'an ni ch'oj chrij i ajawinel re pa moxab'; xwiri ire kel nu b'i chuk'ulaxik chi pacha taq jun tew jab', ktzaq ni puwi i wiqab', chi lik knoj ni i tinimit che i ch'ich' re i ch'oj, ajch'oj rij taq kaway xaq uk'iyal taq barco.