Daniel 11:1 - Wuj Pa K'ubultzij

¹ Yin xinto xaq xinya ukowil uk'ux, are o ma Darío che i nab'e junab' re rajawinik che i tinimit Media,

Daniel 11:1 Referans Kwoze

Daniel 9:1

Ma Darío, chi rak'al ma Asuero, chi aj pa tinimit Media, ku'at tzij puwi i ajawinik ke i aj Caldea.

Daniel 5:31

I ma Darío re i tinimit Media xuya rib' puwi i ajawinik. Ma Darío o keb' oxwinaq (62) junab' che.

Hechos 14:22

Pa taq tinimit le, xkiya kan ukowil kik'ux i winaq chi kekojon che i Dios, xekipixb'aj kanoq chi lik kkijikb'a kik'ux che i Dios xaq xkib'ij chke chi we kkaj okik chila chikaj ru' i Dios, rajwaxik chi kkich'ij i jalajuj taq k'ax.

Daniel 10:18

I jun chi kmajaw pacha rak'al jun winaq xinuyin chik, xuya chik k'ak' incho'ab'.

Salmos 103:20

¡Chinimarsaj u'ij i Ajwal, yix chi ix ángel chi lik nim icho'ab'! Yix chi ki'ano pacha kixutaq che rumal ikojonik che.

Daniel 6:1

I ajawinel ma Darío xuch'ik kij waqwinaq (120) je aj-ok'al utzam i jalajuj taq tinimit, man keje ile chkiqul o wi rilik i jalajuj taq k'ijib'al re ajawinik.