Daniel 10:12 - Wuj Pa K'ubultzij

¹² Are uri xub'ij chwe, maxij awib', ma Daniel, man lik k'a che i nab'e ij lik xatij u'ijol utayik ub'e i b'iroxik chi lik k'ax utayik ub'e i xach'ob'o chi xaqajsaj a'ij chwach a-Dios, Ire xuta alapanik ru'. Rumali in k'unnaq yin.

Daniel 10:12 Referans Kwoze

Daniel 10:19

I xub'ij chwe: Maxij awib' xaq matk'achirik, man i Dios k'ax katuna'o; ¡Chakowij ak'ux i maxij awib'! Tz'aqat klapan wu', xinna'o chi ktijin ukowirik ink'ux, i xinb'ij: Ajwal, chatch'aw wu', man aya'om tan chik incho'ab'.

ISAÍAS 58:9

Are uri, we kinasik'ij, Yin kinla' uwach chawe, we katsik'in chutz'onoxik atob'al, Yin kinb'ij ni chawe: “Riy in oliki.” We kasach uwach u'anik i k'ax chke i winaq, we nti jun kayo'ya, xaq we nti tzij kanojij chkij i winaq,

Mateo 28:5

Are xeupon i ixoqib', i ángel xub'ij chke: —Mixij iwib'. Yin weta'am chi xixk'un chutzukuxik i Jesús chi xkamsax chwach i krus.

ISAÍAS 65:24

Chuxe'el insik'ixik kumal, yin kinla' ni uwach chke, are k'amaja keutzin chub'ixkil yin lik intom chik wach kkib'ij.

ISAÍAS 41:10

Maxij awib', man Yin in o awu', matok il man Yin in a-Dios. Yin kinya acho'ab', Yin katinto, Yin katwok'aj ru' in-ab' o ucho'ab' kinya ti chawe kattzaqik.

ISAÍAS 41:14

I Ajwal kub'ij: Ix aj Israel, chi ix utinimit ma Jacob, tupu lik at pich' koq xaq nti ucho'ab' ach'akul, maxij awib', yin katinto, Yin chi in Lo'laj Dios ke aj Israel, Yin in tol awe.

ISAÍAS 35:4

Chib'ij chke i to' kkixij kib' wach i kki'ano: “¡Chikowij ik'ux, mixij iwib'! ¡Man i-Dios yix o chi re kixuto, xaq i je ajch'oj chiwij kuya ni utojb'alil chke pacha kmajawik!”

Lucas 24:38

Xwiri i Jesús xutz'onoj chke: —¿B'uchak kixij iwib'? ¿B'uchak chi lik kikoj taj chi xinwalij chik? —Xub'ij chke.

LEVÍTICO 16:31

Ile are jun atb'al tzij chi lik ronojel ij saq uwach chiwe yix, xaq lik are ni jun ij chi lik uxlanb'al ij chiwe, man lik kiwo'taj ni iwa'im.

LEVÍTICO 16:29

Iri are jun atb'al tzij chi ronojel ij saq uwach chiwe yix chi ix aj Israel xaq chke i aj Israel taj: Che i lajuj ij re uwuq ik' rajwaxik kiwo'taj ni iwa'im man kiya iwib' chutz'onoxik che i Dios xaq rajwaxik chi kimayij ni u'anik ichak. Xwi ti aj Israel xaq keje kki'an ni je aj naj chi je o chixol.

Apocalipsis 1:17

Yin, are xwilo, xintzaq chwach pacha taq xinkamik. Ire xuya u'ab' wiqab'im pinwi, xaq xub'ij chwe: Maxij awib' chwe; yin in uxeb'al ronojel i olik, xaq yin in k'isb'al re.

Hechos 27:24

Ire xub'ij chwe: Maxij awib' ma Pablo, man lik rajwaxik katupon chwach i ma César chi aj Roma xaq awumal yet, i Dios keuto ni konojel i winaq chwach kamik chi je o awu' pa barco —xcha.

Salmos 69:10

Are kino'ik, xaq are kinmayij inwa'im rumal inlapanik ru' i Dios, lik kinkiyo'ya.

Lucas 2:10

I ángel xub'ij chke: “Mixij iwib', man yin xa kolinya jun utz laj tzij k'ak' chiwe chi is kekikot ni winaq rumal:

Lucas 1:30

Rumali, i ángel xub'ij chik che: —Maxij awib', al Mariy; man i Dios lik nim ni rutzil uk'ux chawe.

Lucas 1:13

Xwiri i ángel xub'ij che: —Mam Zacarías, maxij awib'. I Dios utom wach atz'onom che. Yet ru' awixoqil ati Elisabet kk'iji ni jun iwak'al chi kiya ni pub'i a Wan.

Marcos 16:6

Xwiri i k'ojol ala le xub'ij chke: —Mixij iwib', yix kitzukuj i Jesús aj Nazaret chi xripik xaq xtz'aw chwach i krus. Ire nti chik chi, walijnaq chub'ik; chiwila pe i k'ijib'al le ipa xya' wi kanoq.

Mateo 28:10

—Mixij iwib' —xub'ij i Jesús chke? Chib'ij chke i wachalal chi je are intijoxelab' che oj ike pa Galilea; chila kkil ni inwach —xcha.

Daniel 10:11

Te'uri xub'ij chwe: Ma Daniel, chi k'ax kna' rumal i Dios, lik chata ub'e wach i kinb'ij yin chawe: Chatwalijoq; man yin intaqtal li awu'. Are xuk'is ub'ixkil i tziji, yin lik k'a kinsiksatik, xintak'i anoq.

NÚMEROS 29:7

Xaq che uwuq ik' le xwiri che i lajuj ij yix ki'an ni jun lo'laj moloj ib'. Che i ij le kimayij ni iwa'im man kitz'onoj tob'al iwe chwe yin, xaq mijun kchakunik.