Daniel 1:19 - Wuj Pa K'ubultzij

¹⁹ I ajawinel xlapan ku' ike, i chkixol ni'pa taq alab'om le, lik mijun xuriqo chi kemajaw pacha a Daniel, a Ananías, a Misael xaq i Azarías, je are ike le xekanaj kanoq re je rajchak i ajawinel.

Daniel 1:19 Referans Kwoze

Daniel 1:5

Ma Nabucodonosor xaq xuya i taqanik chi alab'om le lik ketzuq ij ij ru' i wa xaq i uwa'al uva muqb'am chi kutij i ajawinel, xaq oxib' junab' na ketijox che i jalajuj taq k'utunik, are kk'is i kitijoxik kekanaj pu'ab', re keton chu'anik i chak.

Proverbios 22:29

I jun chi utz u'anik uchak ku'ano, lik ru' ajawinel uri kchakun wi, ru' ti taq jun winaq chi nti u'ij.

GÉNESIS 41:46

I a José o chik lajuj juwinaq (30) junab' che are xujeq chak ru' ma faraón chi ajawinel re i tinimit Egipto. Are xutzin uya'ik upatan a José le, are uri xu'ijla kan ma faraón te'uri su' xujeq usolixik ronojel ulew Egipto.

JEREMÍAS 15:19

Are uri i Ajwal xula' uwach chwe: “We kattzalij chal wu', yin katink'am chik, xaq ka'an chik uri apatan chwij. We kamayij ile chi to' katloxowik, xaq we xwi kab'ij i tzij chi lik rajwaxik, yet uri katch'aw pink'exel yin. Je are ike rajwaxik ketzalij chik awu' yet, yet taj kattzalij chik ku' ike.

1 Reyes 17:1

I ma Elías, chi profeta, chi aj pa tinimit Tisbe, ukwenta i ulew Galaad, x-e chub'ixkil iri che ma Acab: “¡Lik pub'i i Ajwal, chi ki-Dios aj Israel, kinb'ij chi lik kin-an inpatan chrij, kinsaqij chawe chi chke taq i junab' chi kk'uniki, lik nti chik i jab' xaq lik nti chik uxaq k'aj pa taq usaqirb'al, k'a kinb'ij ni chik yin!”

Daniel 1:6

Chkixol alab'om le o i a Daniel, a Ananías, a Misael xaq i a Azarías, chi je re i utzob'ajil ma Judá

Daniel 1:7

i aj-atzil re i nim laj ja re i ajawinel chi kchakun chila xujalwachij kib'i: A Daniel xuya pub'i a Beltsasar; a Ananías xuya pub'i a Sadrac; a Misael xuya pub'i a Mesac; xaq i a Azarías xuya pub'i a Abed-nego.

Daniel 1:18

Are xtz'aqat i ij chi ajawinel uch'ikom re k'utb'al ke alab'om chwach ire, i aj-atzil chi kchakun pa nim laj rachoch i ajawinel le xeuk'am b'i chwach.

Daniel 2:13

Are xya' retamaxik i taqanik le, xkitzukuj a Daniel xaq i rachi'il re kekamsaxik.

Daniel 3:29

Rumali wo'or, yin kinya i taqanik, chi pachin taq jun winaq k'ax kch'aw che i Dios ke alab'omi, lik chmutmaxoq, xaq i rachoch chu'ana ni pacha jut'ub'aj tz'il, xa pa chke tinimit kpe wi, we nimaq taq tinimit, xa pa chke taq ch'ab'al, man lik nti chik jun Dios chi ktonik pacha Ire.”

Daniel 1:4

alab'om chi lik chom ketzunik, chi lik nti jun k'ax che kich'akul, lik utz kik'aslemal xaq o kino'oj, chi lik o kino'oj chu'anik ni'pa taq i ch'ob'onik, xaq ketiki che ronojel ni'pa i ketaq chu'anik pa nim laj ja re i ajawinel. Chke ike le kk'ut ni kich'awb'al xaq i rajlaxik uwach kitz'ib' aj Caldea.