Cantares 8:9 - Wuj Pa K'ubultzij

⁹ Wetene jun tapial kqa'an te'eqi jun ral tak'tik ja saq-o'oj puwi, wetene jun uchija kqach'uq teneri ru' tz'alam chakalte'.

Cantares 8:9 Referans Kwoze

Hechos 15:16

Chrijil chik ile kintzalij chaloq xaq kinya chik uri rajawinik ma David, man keje ile kinyijb'a chik ni'pa i wulijnaq,

Hechos 14:27

Are xeupon pa Antioquía, xkimol kichi' konojel jutzob'aj re i Dios, xkilap chke ronojel ni'pa xu'an i Dios pkik'aslemal ike xaq xkib'ij chke wach u'anik xu'an i Ajwal chi xuya chke i ne te aj Judío chi kkita i utz laj tzij k'ak' man xaq ike kekojon ni che i Ajwal.

Mateo 16:18

Rumali, kinb'ij chawe: Yet at a Pedro, i usuk' i ab'i le, ke'eloq “ab'aj”; puwi i ab'aj le kinyak ni wachoch. Ni'pa i je jutzob'aj re i Dios, lik ksachsax ti kiwach; mitene ucho'ab' i kamik ktiki ti che.

ISAÍAS 61:4

Kkiyak chik i ujer taq ja chi je wulijnaq, kewalij chik i nimaq taq ja chi je wulijnaq te'eq ujer, xaq keyijb'ax ni ni'pa i tinimit chi ya kewulijik.

ISAÍAS 60:17

Puk'exel i anch'ich' kinya ni an-o'oj chawe, puk'exel i ch'ich' kinya ni saq-o'oj, puk'exel i tz'alam kinya ni anch'ich', puk'exel ab'aj kinya ni ch'ich'. Kin-an na chi i chomb'al ib' krajawin ni pawi xaq i suk'ulik kuk'am ni b'e chawach.

ISAÍAS 58:12

Atinimit kkiyak chik ronojel ni'pa i wulijnaq ujer xaq lik kkiya chik ucho'ab' ukub'ib'al i tinimit chi kojtal ujer. Kya' ni pub'i atinimit: Ajyijb'al tapial tzaqnaq, ajyakol ja wulijnaq.

Cantares 2:9

I k'axnab'al ink'ux keje pacha jun kej, pacha jun ral kej ch'utin. ¡Ya o chik chi, chrij uchija, ktaqen li pa wantana, xa ani'al ktaqen loq!

1 Reyes 6:15

Xuch'uq uwach taq xan pa ja ru' tz'alam chi elsam che i che' chakalte', kjeqan li puwi, xeuk'isa k'a chuxe', xaq lik xkich'uq uwach ulew pa taq ja, ru' tz'alam chi elsam che i chaj.

Deuteronomio 22:8

We o jun chiwe yix kuyak jun rachoch k'ak', rajwaxik uri chi kukoj atb'al che ronojel uchi' man keje ile we o taq jun xtzaq loq k-ab'taj ti uri chkij ralk'uwal.

Cantares 1:11

¡Kqayijb'a awarit chi lik an-o'oj ru' retz'b'alil chi saq-o'oj!