Cantares 8:11 - Wuj Pa K'ubultzij

¹¹ I ma Salomón o jun utikonb'al uva chila pa Baal-hamón, xuya uk'uxlaxik chkiqul jub'an chajal re kkichajij, are kuriqa i ij re i molonik kuya lajujwinaq kamo' (1,000) saqpwaq chkijujunal.

Cantares 8:11 Referans Kwoze

ECLESIASTÉS 2:4

Xin-an nimaq taq chak, xin-an jun nim laj wachoch, xaq xin-an i tikb'al intikon uva.

ISAÍAS 7:23

Che taq i ij le o tikonb'al uva chi o lajujwinaq kamo' (1,000) tikon chwach chi rajil te'eq lajujwinaq kamo' (1,000) saqpwaq, che taq i ij le kkanaj ni kanoq pacha k'ix xaq pacha chaqij taq es pa chaqij taq jyub'.

Marcos 12:1

I Jesús xujeq lapanik ku' i winaq ru' tijojb'al taq tzij, xub'ij chke: Jun achi xutik jub'an uva prulew xaq xukoj koral chrij, xuyijb'a jun k'ijib'al ipa kkiyitz' wi uwa'al i uva le, xaq xuyijb'a jun ja tak'tik chupam i tikon le, chajb'al re ronojel i tikon. Te'uri xeukoj jujun ajchakib' ajpamey ru'; ire x-e che jun tinimit naj.

Cantares 7:12

Are ksaqrik koj-e pa tikonb'al uva kqilb'ej re, we ya xpo' usij i uva, we ya xkichkrij usij, xaq we ya sijannaq chik i turas. ¡Chila kinya wi i k'axnab'al ink'ux chawe!

Cantares 1:6

Mikoj retalil che chi xa in eq-oj laj ixoq, xaq mikoj retalil chi i ij uk'atom inch'akul. Inxib'al xpe koywal chwe rumali xinkitaq chuchajixik i tikonb'al uva. ¡Rumali yin x-antaj ti chik uchajixik wib'!

GÉNESIS 20:16

Xaq xub'ij che tit Sara: —Xinya b'i lajujwinaq kamo' (1,000) saqpwaq che axib'al tojb'al re ni'pa i k'ix chi xatik'aw chupam, keje ile katkiyo'ya ti winaq chi je o awu' —xcha.

Cantares 2:3

Ral k'axnab'al ink'ux, yet are at o chkixol achiyab', lik at keje pacha jun uche'lal mansan chi o pa taq k'achelaj. ¡Chi lik qus kwil i kulem chuxe' umujal! ¡Chi uwach lik ki ujelal are kupon pinchi'!

Cantares 8:12

I lajujwinaq kamo' (1,000) saqpwaq lik awe yet ma Salomón, i lajujwinaq (200) chik ke i chajal, ¡Yin kinchajij intikon re uvas!