Cantares 6:1 - Wuj Pa K'ubultzij

¹ Yet chi lik at chom chkixol i chomiq taq ixoqib'. ¿Ipa x-e wi i k'axnab'al ak'ux? ¿Ipa xumaj wi b'i ub'e? ¡Koj-e awu' chutzukuxik!

Cantares 6:1 Referans Kwoze

Cantares 5:9

Yet chi lik at chom laj ixoq chkixol ni'pa je chomiq. ¿Wach taq wa u'anom i k'axnab'al ak'ux chi su' yano ka'an che? ¿Wach taq wa u'anom i k'axnab'al ak'ux chi kawaj yet lik kqab'ij chawe we kqab'ij che?

Cantares 1:8

Yet chi at ral chom chkixol ni'pa je chomiq taq ixoqib', we aweta'am taj, chatterej b'i chrij aqan ke i jalajuj taq chikop xaq cheayu'uj achab'at chunaqaj kachoch ajyu'ul taq chij.

JEREMÍAS 14:8

Yet chi lik at roy-exik kik'ux aj Israel, at tol qe che taq i ij are oj o pa k'ax, ¿B'uchak ka'an che awib' pacha taq at aj naj che i nim laj tinimit, pacha taq jun ajb'inel chi xa jun a'ab' ku'an b'i qu'?

Rut 2:12

¡I Ajwal chatutojo ni ru' utzil chomal, rumal ni'pa a'anom le! ¡I Ajwal chi ki-Dios aj Israel, chi xatk'un chutzukuxik tob'al awib' ru', chupaxsaj ni uwach utzil chomal pawi! —Xcha.

ISAÍAS 2:5

¡Jo' tinimit re ma Jacob, chojb'in che i saq re i Ajwal!

Cantares 6:4

Yet, ral k'axnab'al ink'ux, lik at chom koq xaq lik at ajk'amol wachij pacha i tinimit Tirsa xaq i Jerusalén, lik mijun kok awu' pacha achiyab' chi je yij che i ch'oj chi kech'ak taj.

Cantares 2:2

Ral k'axnab'al ink'ux, yet chkixol ixoqib' at keje pacha jun kotz'ij lux chi o xol taq k'ix.

Cantares 1:4

¡Lik juntir chinak'ama b'i awu'! ¡Ajawinel, chinak'ama b'i chupam i nim laj awachoch chila ipa katuxlan wi! Lik kojkikot ni awu'; xaq mas kqaqusij ni ach'uch'anik chwach i uwa'al uva muqb'am. ¡Nechari chi k'ax katkina ixoqib'!