Cantares 5:9 - Wuj Pa K'ubultzij

⁹ Yet chi lik at chom laj ixoq chkixol ni'pa je chomiq. ¿Wach taq wa u'anom i k'axnab'al ak'ux chi su' yano ka'an che? ¿Wach taq wa u'anom i k'axnab'al ak'ux chi kawaj yet lik kqab'ij chawe we kqab'ij che?

Cantares 5:9 Referans Kwoze

Cantares 6:1

Yet chi lik at chom chkixol i chomiq taq ixoqib'. ¿Ipa x-e wi i k'axnab'al ak'ux? ¿Ipa xumaj wi b'i ub'e? ¡Koj-e awu' chutzukuxik!

Cantares 1:8

Yet chi at ral chom chkixol ni'pa je chomiq taq ixoqib', we aweta'am taj, chatterej b'i chrij aqan ke i jalajuj taq chikop xaq cheayu'uj achab'at chunaqaj kachoch ajyu'ul taq chij.

ISAÍAS 53:2

I Ajwal xraj chi rajchak kk'iyik pacha jun es ch'u' chi lik naj k-e wi ra' pa taq chaqij ulew. Lik nti te uchomal xaq kwalch'in taj, i utzunb'al lik chom taj.

Salmos 87:3

Tinimit re i Dios, lik chomiq taq b'iroxik klap chawij.

Salmos 45:13

¡Waral kok b'i umi'al i ajawinel ru' ronojel uchomal! ¡I u'u' lik t'isom ru' i an-o'oj!

Juan 1:14

I Jun chi are i Tzij xu'an winaq che rib' xaq xjeqi chqaxol, lik nim i k'axnab'al uk'ux xaq lik saq laj tzij, xaq qilom u'ij uchomal chi xya' che rumal Uqajaw man lik xa jun chrij.

Mateo 21:10

Are xok b'i Jesús pa Jerusalén, i winaq konojel xech'ujer na rumal i kikotemal. Je k'i xetz'onowik: —¿Pachin i achi le? —Xecha.

Cantares 2:7

Chiya i tzij chwe, ixoqib' aj Jerusalén, kumal i atitab' kej xaq kumal i chab'at chi je aj pa taq k'achelaj, chi kik'astaj ti i ral k'axnab'al ink'ux. ¡Chiya ni che kwarik k'a kk'un ni saq chwach utukel!