Cantares 3:8 - Wuj Pa K'ubultzij

⁸ Konojel ike le keta'am ch'oj ru' ch'ich' chi k'ulala o uware xaq lik keta'am u'anik i ch'oj, chkijujunal kiya'om kich'ich' chwi taq ka' chi k'ulala o uware, re tob'al kib' chwach wach taq kkiriq pa taq equm.

Cantares 3:8 Referans Kwoze

Salmos 45:3

¡Yet chi lik ko awach, chaya i ch'ich' chi o uware k'ulala chwi awa' ru' a'ij achomal!

ISAÍAS 27:3

Yin, chi in Ajwal, Yin kinchajiwik xaq arewi kinja'aj. Kinchajij chipa'ij chicha'ab', man keje ile nti jun k'ax kuk'ulmaj.

Salmos 91:5

Maxij awib' che i wach taq katuxib'ij cha'ab' xaq che i ch'ab' chi kk'aq pa'ij,

Cantares 3:7

¡Are uch'at ma Salomón! Chajtal kumal oxwinaq (60) achiyab' je yij che i ch'oj chi lik mas ko kiwach chkixol aj Israel.

Cantares 3:9

I ajawinel ma Salomón u'anom jun uch'at resam che i ko laj che' Líbano.

JEREMÍAS 50:9

Kin-an na chi jun tzob'aj tinimit chi lik o kicho'ab' chi aj pa moxab' kki'an ni ch'oj chrij i tinimit Babilonia. Kkitus nu b'i kib' xaq lik kkich'ak na. Lik are achiyab' chi je yij che i ch'oj, chi are kk'aq i kich'ab' lik kemajanik.

Jueces 3:16

Xwiri ma Aod xu'an jun ch'ich' chi o uware k'ulala, kolo o keb' ripaj ab'aj che i raqan xaq xuya chwa ra' wiqab'im chupam u'u'.

NEHEMÍAS 4:16

Lik che taq i ij le, nik'aj chke inwinaq xkijeq u'anik i chak, xaq i nik'aj chik xkiyijb'a kib' che i ch'oj, kok'am i che' ch'ich' utzam pki'ab', tob'al ib', ch'ab' xaq tob'al uwach kik'ux. Konojel aj-atzil xekito i winaq aj Judá

NEHEMÍAS 4:17

chi ketijin chuyakik i tapial chi nim uwach. Konojel ni'pa kkerej b'i i eqan, lik xkimayij ti uk'amik b'ik, xwiri ru' jun ki'ab' kechakunik xaq ru' i jun chik kok'am jun b'iroxik anb'al ch'oj.