Cantares 3:7 - Wuj Pa K'ubultzij

⁷ ¡Are uch'at ma Salomón! Chajtal kumal oxwinaq (60) achiyab' je yij che i ch'oj chi lik mas ko kiwach chkixol aj Israel.

Cantares 3:7 Referans Kwoze

Hebreos 1:14

Konojel i ángel lik je tewalil, xaq je rajchak i Dios; je taqtal chkito'ik i winaq chi lik ketotaj ni rumal i Dios.

Cantares 3:9

I ajawinel ma Salomón u'anom jun uch'at resam che i ko laj che' Líbano.

Cantares 1:16

¡Ral k'axnab'al ink'ux, lik at chom laj achi, lik at chom koq! ¡At keje pacha i rax taq es ipa kojuxlan wi!

2 Reyes 6:17

Are uri ma Eliseo xlapan ru' i Dios, xub'ij: “Kintz'onoj utzil chawe, Wajwal, chi chajaqa ub'a'wach i wajtaqon, man keje ile ktzunik.” I Ajwal xujaq ub'a'wach i rajtaqon ma Eliseo che, are uri xril uwa taq jyub' chi lik je o k'iyal taq achiyab' chi je yij che i ch'oj je ajrij taq kaway, xaq je aj pa taq ch'ich' re a' chi kisutim rij ma Eliseo.

1 Reyes 14:27

Are uri i ma Roboam chi ajawinel, xu'an chik uk'exel i tob'al ib' re i ch'oj ru' i anch'ich', xuya kan pki'ab' i aj-atzil chke i ajchajinel chi kkichajij i okb'al che i nim laj rachoch i ajawinel.

1 Reyes 9:22

Xwiri mijun chke aj Israel xu'an taq che chi pacha jun winaq chi o pa k'as rumal i rajaw uchak, are xu'ano, xe'on chke chi je achiyab' je yij che i ch'oj, aj-ok'al utzam chke i je yij che i ch'oj, nimaq kipatan re i ch'oj, aj-atzil re i ch'oj; aj-ok'al utzam re i ch'ich' xaq i kaway re anb'al ch'oj.

1 Samuel 28:2

Are uri ma David xub'ij che: —Utzi', wo'or kawilo nim laj winaq, wach ktiki i awajchaki chu'anik. Are uri ma Aquis xub'ij che: —We lik keje ile, arewi katinya kani pa kaj-atzil inchajal.

1 Samuel 14:52

I ma Saúl che ronojel uk'aslemal lik xutij uyej chu'anik ch'oj ku' aj Filistea; rumali chi ma Saúl le arewi keuyijb'a uwinaq chi je yij che i ch'oj chi lik o kicho'ab' chi xaq lik ko kiwach.

1 Samuel 8:16

Xaq kuk'am ni jalajuj taq imokom, achiyab', ixoqib', xaq kuk'am ni chomiq taq ib'oyexab', i'axna, ku'an ni chke chi kechakun ni ru' ire.

Cantares 3:6

¿Wach taq ile chi petnaq pa tz'inilik jyub' chaqij, chi pacha taq sib' kb'ororik kel b'i chikaj, chi xaq lik o umuyal i mirra che xaq i umuyal pom, xaq ronojel i jalajuj taq kunb'al k'ajil chi muy?

Cantares 3:8

Konojel ike le keta'am ch'oj ru' ch'ich' chi k'ulala o uware xaq lik keta'am u'anik i ch'oj, chkijujunal kiya'om kich'ich' chwi taq ka' chi k'ulala o uware, re tob'al kib' chwach wach taq kkiriq pa taq equm.

NEHEMÍAS 4:13

xinya jun taqanik chke i winaq, chi pa taq alk'uwalil kek'iji ni chrij i tapial chi nim uwach; pa taq jul, xaq chuxol taq b'e ru' ch'ich' chi o uware k'ulala, che' chi ch'ich' utzam xaq i ch'ab'.