Cantares 3:2 - Wuj Pa K'ubultzij

² Are uri xinwalijik xaq xinsutin xol taq b'e re i tinimit chutzukuxik ral k'axnab'al ink'ux re ink'aslemal, pa taq b'e xaq pa taq k'eb'al. Lik xintzukuj xwiri xinriq taj.

Cantares 3:2 Referans Kwoze

Efesios 5:14

Rumal uri ronojel i kelsax chisaq, lik k-etamax na: Yet chi katwarik, chk'un saq chawach; chatwalij chkixol i kamnaq, man i Cristo kutzunsaj ni saq pa k'aslemal.

1 Corintios 15:34

Chijikb'a i nojb'al; chimayij i makunik, man o jujun chiwe yix chi iweta'am ti uwach i Dios; kinb'ij ile chiwe yab'al re i k'ix.

Romanos 13:11

Chikojo retalil che taq i ij chi oj o wi wo'or; kmajawik kk'un saq chqawach. Chqila ub'e chi i qelb'al chisaq naqaj chik o wi chqe; mas naqaj chik o wi chwach are xqakoj utzij i Dios.

Juan 1:6

Xuk'ulmaj jun ij i Dios xutaq li jun achi, ma Wan ub'i,

JEREMÍAS 5:1

I Ajwal kub'ij: “Chixsutin pa taq b'e re i Jerusalén, lik chiwila, chitzukuj pa taq k'ijib'al ipa kkimol wi kib' i winaq re i tinimit, we kiriq jun chi lik utz i ku'ano, chi lik kraj saqil kch'awik, we kiriqo, kinkuy uri umak i Jerusalén.

ISAÍAS 64:7

Lik nti jun katukuxtaj katunataj xaq mitene kukoch'ij rib' chuto'ik rib' awu'; rumali xawuwaj awib' chqawach yoj, xaq lik oj awo'tam rumal i qamak.

Cantares 5:5

Are uri xinwalij chujaqik uchija che i k'axnab'al ink'ux, are uri in-ab' xaq i uwi in-ab' xtzaq jutz'ujaj taq mirra che, chi xpe che i tz'apb'al uchija. Xinjaq uchija che i k'axnab'al ink'ux, xwiri ire nti chik chila man enaq chik. Are uri lik laj xel wanima are xinch'aw che, lik xintzukuj xwiri xinriq taj, xinch'aw che xwiri xula' ti uwach chwe.

Proverbios 8:34

Utz re i jun chi kinuta, chi xaq ij ij kk'ask'at chwach uchija re i wachoch.

Cantares 3:3

Xintz'onoj chke ajchajinel re i tinimit chi kesutin pa taq b'e: “¿Yix iwilom ti uwach i ral k'axnab'al ink'ux re ink'aslemal?”

Cantares 1:7

Ral k'axnab'al ink'ux re ink'aslemal, chab'ij chwe: ¿Ipa keayu'uj wi achij? ¿Ipa keak'am wi b'ik pa uxlanem are tik'il ij? ¿B'uchak wa to' kin-e b'ik pacha taq jun ajperkatel, ku' jalajuj taq kichikop awachi'il?