Cantares 2:3 - Wuj Pa K'ubultzij

³ Ral k'axnab'al ink'ux, yet are at o chkixol achiyab', lik at keje pacha jun uche'lal mansan chi o pa taq k'achelaj. ¡Chi lik qus kwil i kulem chuxe' umujal! ¡Chi uwach lik ki ujelal are kupon pinchi'!

Cantares 2:3 Referans Kwoze

Cantares 8:5

¿Pachin taq ile chi k'unik re pa tz'inilik jyub' chaqij, chi u'ayb'am rib' che uteleb' i k'axnab'al uk'ux? Chuxe' uche'lal jun mansan xatink'astaj: Chila ipa xuya wi uk'axk'ol che achuch, chila ipa xatralaj wi achuch.

ISAÍAS 32:2

Chkijujunal ike le je keje na pacha tob'al ib' chwach i tew xaq tob'al ib' chwach i tew jab', xaq keje pacha ub'e ya ja'b'al re chaqij ulew, keje pacha umuj jun nim laj ab'aj pa tz'inilik jyub' chaqij.

ISAÍAS 25:4

Man yet at tob'al kib' i nib'a'ib', xaq at tob'al ke ni'pa o rajwaxik chke rumal uyej, at tob'al ib' chwach i jab' tew upam, at muj chwach i ij. I kuxlab' itzel laj taq winaq keje pacha jun jab' tew upam re i alaj,

Hebreos 12:2

Mqamayij uch'ob'ik i Jesús, man are ire xyaw ukub'ib'al qak'ux chuxeb'al loq, xaq are ire kyaw ni chqe chi kqariq na wach i qakub'am qak'ux che. I Jesús xutij uyej chwach i krus. I ukamsaxik le chi xki'an che, lik nim laj k'ixb'al che ire, xwiri, xuya rib' che, man reta'am we xik'aw che ile, te'uri nim laj kikotemal kutij na. Are x-antaj ile, x-ekub'i puwiqab'im i ukub'ib'al i Dios chi o u'ij.

Ezequiel 47:12

Chekeb' taq uchi' i raqana kek'iy ni k'iyal taq uwach i che' chi ktijaw uwach. I uxaq lik ketzaq taj, xaq kkimayij ti wachinik. Che ronojel ik' o ni kiwach, man je ja'tal ni rumal i raqana chi kel li prachoch i Ajwal. I uwach i che' kajwax na re ktijawik xaq i uxaq re kunb'al.

ISAÍAS 4:6

Re keuchajij xaq re keuto, xaq kajwax chke re kimuj rumal uk'axk'ol i ij are pa'ij, xaq tob'al ke chwach i jab' xaq chwach i jab' chi tew upam xaq i ray.

ISAÍAS 4:2

Che taq i ij le, i Ajwal ku'an na chi kel li utux, lik are ni ketz'b'alil xaq ki'ij ni'pa kek'asi kan pa Israel; i uwach i tikon chi kuya i ulew are ni ukikotemal xaq u'ij.

Cantares 5:16

I puchi' lik ki, ¡Ronojel uch'akul lik chom! Keje i k'axnab'al ink'ux ile, keje i k'axnab'al ink'ux yin ile, ixoqib' ix aj Jerusalén.

Cantares 4:16

Tew re pa moxab' ¡Chk'un saq chawach! Tew re pa wiqab' ¡Chatpet waral! ¡Chixpuypat pa tikonb'al inkotz'ij xaq chiwo'taj b'i umuyal!. Ral k'axnab'al ink'ux chatpet chupam i tikb'al akotz'ij xaq chatija uwach echa' chi lik jel.

Cantares 2:5

Chayaka ink'ux ru' i uva chaqijsam, chinatzuqu ru' i mansan, man lik kinkam rumal i k'axnab'al k'uxij.

Salmos 91:1

Pachin kk'iji chuxe' i muj re i nim laj Dios chi ktonik, chi are jun Dios chi lik nim xaq Ronojel ktiki Che,

Salmos 89:6

¡Man mijun dios, xaq mijun aj chikaj kujunamsaj taq rib' awu' Ajwal!

Salmos 57:1

Chawila tob'al inwach Wajwal Dios, lik chawila tob'al inwach, man awu' yet kintzukuj wi tob'al wib'. Lik kwaj uto'ik wib' chuxe' axik' k'a kik'aw ni ronojel i k'ax.

Salmos 45:2

¡Lik are yet mas at chom chkiwach konojel i achiyab'! ¡Lik chomiq taq tzij ke'el pachi'! Rumali i Dios xuya utzil chomal pawi chi k-e ij saq chrij.

Jueces 9:15

I k'ix le xub'ij chke, we lik qatzij kkaj chi are ire kkanaj kan pkajawinel, rajwaxik uri chi konojel kek'iji chuxe' umuj, xwiri we kkaj taj chi are ire kkanaj pkajawinel, kel nu b'i uri jun a' che chi kuchup uwach ronojel i che' chakalte' chwach i jyub' Líbano.

Cantares 1:16

¡Ral k'axnab'al ink'ux, lik at chom laj achi, lik at chom koq! ¡At keje pacha i rax taq es ipa kojuxlan wi!

Cantares 4:13

Tikb'al kotz'ij ipa o wi i tikon granado chi lik jel uwach, tikb'al kotz'ij chi o kotz'ij re alheña,

Cantares 7:13

Ni'pa i mandrágora lik kro'taj b'i umuyal. Xaq lik k'i i jalajuj taq echa' o qu' xolchija: O i echa' ax ch'uptal wi, xaq o i echa' k'ate ch'uptalik, ronojel ile lik ink'olom chawe, k'axnab'al ink'ux.

Cantares 8:11

I ma Salomón o jun utikonb'al uva chila pa Baal-hamón, xuya uk'uxlaxik chkiqul jub'an chajal re kkichajij, are kuriqa i ij re i molonik kuya lajujwinaq kamo' (1,000) saqpwaq chkijujunal.

Cantares 8:12

I lajujwinaq kamo' (1,000) saqpwaq lik awe yet ma Salomón, i lajujwinaq (200) chik ke i chajal, ¡Yin kinchajij intikon re uvas!

Joel 1:12

Lik je chaqijnaq i tikb'al uva xaq xsach kiwach i higo. Xaq xechaqij i granado, palma, mansan xaq konojel i che' re pa taq es. ¡Keje usachik i kikotemal le ke konojel i winaq!

Salmos 45:3

¡Yet chi lik ko awach, chaya i ch'ich' chi o uware k'ulala chwi awa' ru' a'ij achomal!