Cantares 1:12 - Wuj Pa K'ubultzij

¹² Tz'aqat are kkub'i i ajawinel chi mexa are uri inkunb'al muy kel b'i umuyal.

Gade chapit la Kopi

« Previous

tounen moute ⬆

Juan 12:3

I ati Mariy rok'am jun b'axo kunb'al chi lik muy xaq lik paqal rajil, elsam che jun saqil es nardo ub'i. Xukoj i kunb'al muy le che i raqan i Jesús, te'uri xuchaqijsaj ru' uwi. I kunb'al le lik x-e ronojel umuyal pa ja.

Gade chapit la

Apocalipsis 3:20

Chita pe', yin in tak'al chwach uchija re iwachoch, kintijin chisik'ixik. We o jun kuta inch'awb'al, xaq kujaq uchija chwe, yin kinok uri ru' pa ja, xaq kqatij wa junam ru'.

Gade chapit la

Filipenses 4:18

I ma Epafrodito xujach ronojel chwe ni'pa i taqom b'i yix, lik xqare xinu'ono man lik k'i. Are i sipon itaqom li yix are pacha umuyal i pom chwach i Dios, pacha jun sipon lik chom kril ire, chi kmajawik kuk'am na.

Gade chapit la

Marcos 14:3

I Jesús x-e pa komon Betania chi rachoch ma Simón, chi o te'eq yob'il che utz'umalil kecha che. Are je kul chi mexa xok b'i jun ixoq ku' rok'am b'i jun b'axo antal che ab'aj pacha saqcho', nojnaq che i kunb'al chi lik muy xaq lik paqal rajil. I kunb'al muy le che i kotz'ij nardo elsam wi. Xu'upij uqul i b'axo te'uri xujam i kunb'al muy che ujolom i Jesús.

Gade chapit la

Mateo 25:34

Te'uri i Ajawinel kub'ij ni chke i je o puwiqab'im: “Utz iwe yix; uya'om ni utzil chomal Inqajaw piwi. Chixpetoq, chixok che i k'ijib'al chi uyijb'am Ire chiwe k'a chuxeb'al li ij saq.

Gade chapit la

Mateo 22:11

Te'uri xok i ajawinel ipa je moltajnaq wi i je usik'im ru'. Are uri xril jun achi ku' chi ukojom ti u'u' re i nima'ij.

Gade chapit la

Mateo 22:4

Te'uri xeutaq chub'i jub'an chik umokom chkisik'ixik. Xub'ij chke: “Chib'ij chke ni'pa i je insik'im na, chi yij chik i wa'im. Chib'ij chke chi je inkamsam chik i chikop chi je in ti'ojersam. Ronojel is yij chik; ike chepetoq, chixchoq chke.”

Gade chapit la