Biblia Todo Logo
Bib sou entènèt

- Piblisite -




AMÓS 9:11 - Wuj Pa K'ubultzij

11 I ij kk'unik are kinyak ni chik i ral rachoch ma David chi tzaqnaq te'eq. Kinyijb'a i utz taj che, ni'pa i ja chi je tzaqnaq pulew keinyak na, xaq kin-an tan chik che pacha u'anom te'eq ujer,

Gade chapit la Kopi




AMÓS 9:11
37 Referans Kwoze  

Jun umuq uxikin ma David kkanaj ni pa ajawinel, lik krajawin na chrij pacha usuk' i rutzil k'uxij. Lik jun suk'ul laj atol tzij na, chi kukub'a u'anik i suk'ulik xaq ku'an na chi juntir kk'un u'anik i suk'ul laj atb'al tzij.


¿B'uchak xawulijsaj i koral chi sutinnaq chrij, xaya chke i winaq chi keik'aw pa b'e kkich'up uwach i uva?


Ike xk'un i ij chkik'ux re ujer, che taq i ij re ma Moisés chi xeukir utinimit, xaq kkitz'onoj chkiwach: ¿Ipa o wi i Dios chi xuto ma Moisés chila Nilo, chi are ajyu'ul uchij? “¿Ipa o wi i jun chi xuya i lo'laj utewal puk'ux ma Moisés,


Chrijil iri ketzalij chik i aj Israel xaq kkitzukuj ni Ajwal chi ki-Dios xaq i ma David chi kajawinel. Pa k'isb'al taq ij kkitzukuj ni chik i Ajwal xaq ronojel i ub'itaq ke chi are ire kyawik.


Kin-an na chi kek'iyar ni winaq xaq kek'iyar i chikop iwu', xaq lik chek'iyaroq. Lik je k'i ni winaq pacha i ujer, i yix mas lik utz na kina'o chwach ujer. Are uri kketamaj na chi Yin in Ajwal.


Konojel i che' chi je o pa taq es kketamaj na chi Yin in Ajwal. Yin kink'atzij ni i che' chi lik kukoj u'ij xaq kin-an ni che i che' ch'utin kk'iyik. Yin kinchaqijsaj i che' rax i kin-an rax che i che' chaqij. Yin in Ajwal, kinb'ij xaq lik kin-ano.


¡Cha'ana chqe chi kojtzalij chik awu', Ajwal, man xaq kojtzalij chik uri! ¡Cha'ana che i qak'aslemal chi k-on chik pacha ujer!


Kin-an ni chke chi ketzaq pki'ab' i je ajch'oj chkij, ma Nabucodonosor ajawinel re Babilonia, xaq i uwinaq kekamsaxik. Xwiri che jun jo'taj tan, i Egipto kjeqi chik pacha u'onom te'eq ujer. Yin in Ajwal, xinb'iw ile.


Kinb'ij ni uri chiwe wach kinch'ob' u'anik che intikonb'al uva: Kwesaj i koral chrij, man kisach ni uwach, kwesaj i koral ab'aj chrij man keje ile kiya'ya uwi.


Yet lik kaya taj we o jun kyinaw ire, ralk'uwal xaq i ub'itaq re; Yet lik kaya utzil chomal puwi che ronojel ni'pa i ku'ano, xaq lik xwi ire b'eyom laj achi pa nim laj tinimit, man o k'iyal taq uchikop chkiwach i jub'an chik winaq.


¡Ajwal, chachajij atinimit, man je are i chij chi lik je awe yet, chi kitukel je o pa taq k'achelaj, chi sutim kij che i utz laj ulew! Cheak'ama b'ik pacha te ujer, chwa taq k'im re i Basán xaq i Galaad.


Xwiri yet, Belén Efrata, at ch'utin chkixol i lemajil re Judá, chawe yet kel ni jun aj-ok'al utzam re i tinimit Israel chi kpe che jun alk'uwalxel re ujer.”


Xaq kki'an ni kipatan chwij yin, chi in Kajwal Dios, xaq kki'an ni kipatan chrij ma David chi kinya yin pa ajawinel chke.


Kk'un chink'ux ronojel ni'pa xa'an ujer, are ile kinch'ob'o.


Xajaq k'iyal taq b'e chupam ronojel i tapial chi usutim rij i tinimit; ¡Lik xawulijsaj ronojel kitinimit!


Ktiki ni chuk'amik i tinimit Edom xaq lik kuk'am i tinimit Seir, chi are ajch'oj chrij. I tinimit Israel le lik kuk'ut ni ucho'ab'.


Atinimit kkiyak chik ronojel ni'pa i wulijnaq ujer xaq lik kkiya chik ucho'ab' ukub'ib'al i tinimit chi kojtal ujer. Kya' ni pub'i atinimit: Ajyijb'al tapial tzaqnaq, ajyakol ja wulijnaq.


Kin-an na chi ma Jacob kepe ni umuq uxikin, xaq je o ni winaq pa tinimit Judá chi kejeqi ni chwi nimaq taq injyub'. Ni'pa i je in-ulum kejeqi ni chwach ulew, i wajpatanib' kejeqi ni chila.


K'ate tan chik uri kinch'ob' uyakik xaq u'anik nim che jun nim laj tinimit xaq che jun ajawinik.


Xwiri i jyub' Sion are ni jun lo'laj k'ijib'al re i Dios, chila ketotaj wi jujun. I je umuq uxikin i ma Jacob kkik'am chik i kulew;


Yet, tinimit, chi at ajch'oj chwij, matkikot che intzaqik puyej, tupu xintzaqik xwiri kinwalij chik; tupu usutim wij i equm, xwiri are i Ajwal intzunb'al.


Tinimit Jerusalén ya kuriq i ij chi kyak tan chik atapial xaq i uchi' awulew lik knimar uwach.


I chab'ij che: I Ajwal chi ronojel ktiki che kub'ij, i achi chi ulum kb'ix che, chi kalax tan chik che i ra' xaq kuyak tan chik i rachoch i Ajwal.


Xwiri Yin in Ajwal, nab'e keinto ni ralk'uwal i tinimit Judá, man keje ile kkinimarsaj ti ki'ij umuq uxikin i mam David xaq i uwinaq i tinimit Jerusalén pkiwi i jub'an chik umuq uxikin i ma Judá.


Ronojel uwach ulew kkanaj na lik uwata'aj, kjeqan li pa Geba k'a pa Rimón, pa wiqab' re i tinimit Jerusalén. I Jerusalén lik nim ni u'ij, lik kejeqi ni winaq chupam che i k'ijib'al le, kjeqan b'i che uchija re i Benjamín k'a che Uch'uk chik jun Uchija, ipa te o wi Uchija Ujer, xaq kjeqan b'i k'a che i ja tak'taq re i Hananeel k'a ipa kyitz' wi aceite re i ajawinel.


Swiv nou:

Piblisite


Piblisite