AMÓS 8:6 - Wuj Pa K'ubultzij

⁶ ¡Kqa'an ni k'ax chke i nib'a'ib' puyej chi lik are ni ike kkik'ayij kib' chqe re qataqon tojb'al re kik'as, tupu we xa jun molaj uxajab' uk'as! ¡Lik kqak'ayij ne xa to' upam i trigo!

AMÓS 8:6 Referans Kwoze

AMÓS 2:6

Keje iri kub'ij i Ajwal: I je aj Israel ki'anom uk'iyal mak atzalal chi lik kinmayij ti uya'ik utojb'alil chke; man kkik'ayij jun winaq chi nti umak, xaq kkijalwachij jun nib'a' chwach jun molaj xajab'.

AMÓS 8:4

Chita iri, yix chi keiya puyej i ajaj laj taq winaq xaq ki'an k'ax chke i nib'a'ib' pa tinimit;

Joel 3:6

Xeik'am b'i naj i winaq re i tinimit Judá, i winaq re Jerusalén, i xeik'ayij chke aj Grecia re i kimokom chi je o pu'ab' i kajaw.

Joel 3:3

Xkijach intinimit ru' sakinik chkiwach, xekik'ayij ral taq alab'om xaq i ral taq altom, te'uri xkik'is b'i pwaq che i uwa'al uva muqb'am xaq ku' ixoqib' chi chwach i kich'akul kkich'ak wi kimer.

NEHEMÍAS 5:8

xaq xinb'ij chke: “Yoj lik qa'anom qakoch' ru' ronojel ni'pa oj tikinaq chu'anik tob'al ke, man oj tikinaq chkelsaxik i qachi'il aj Israel, chi je k'aytal b'i chke tinimit chi kkikoj ti i Dios; ¿Wo'or yix kich'ob' tan chik kik'ayixik? ¿Yoj tan chiki ile keqesaj chaloq?” Ike lik xkila' ti chik uwach man xkiriq ti chik wach xkib'ij.

AMÓS 3:9

Chiwesaj ub'ixkil yix pa nimaq taq ja ke i ajawinelab' re i Asdod xaq i pa nimaq taq ja ke i ajawinelab' re i Egipto: “Chixpet chwi taq jyub' re i Samaria; chiwila i xaqmanal chi ktijin u'anik chupam i tinimit le xaq i kamik chi ktijin u'anik chila.”

AMÓS 4:1

Chita i tziji, ix ixoqib' aj Samaria, chi pacha taq ix b'akib' re Basán, ixoqib' chi kkiya puyej i nib'a'ib', ixoqib' chi kki'an k'ax chke i o rajwaxik chke, chi lik kekitaq i kachijil ru' i tziji: ¡Chik'ama li uwa'al uva muqb'am re kqatu'u!

Ezequiel 22:12

Jujun chke awinaq kkik'ayij kib' re kkikamsaj jun chik. Kkiya mer pa cha'im xwiri lik k'i alaj kkitz'onoj xaq kki'an k'ax che i kilok'anij xaq kkiya puyej, kinkisach chkik'ux. Yin in Ajwal, kinb'ij.

ZACARÍAS 5:6

Xintz'onoj che: “¿Wach ile?” Ire xula' uwach chwe: “Are jun pajb'al. Ile are i pajb'al re mak atzalal ke i je jeqel pa tinimit.”