AMÓS 8:3 - Wuj Pa K'ubultzij

³ Che i ij le i b'ix re i nim laj ja re i ajawinel k-on ni re b'is. Je k'i i winaq kekamsax na, xaq xa kok'il kkik'aq na li i ch'akulaj chisaq. Are i Ajwal xub'ij ile.

AMÓS 8:3 Referans Kwoze

AMÓS 5:23

¡Chiwesaj b'i chinwach ni'pa taq i wojojik re i b'ix! ¡Lik kwaj ti utayik uch'awb'al taq i-arpa!

AMÓS 5:16

Keje iri kub'ij i Ajwal Dios chi ronojel ktiki che: “Pa ronojel taq k'eb'al o ni o'ej, ronojel xol taq b'e o ni sik' re i k'axk'ol. Kekisik'ij ni i winaq chi je ajchak pa taq es che i b'is, xaq i je aj-o'ej winaq chi lik are kiwach ke'o'ik.

LEVÍTICO 10:3

Are uri ma Moisés xub'ij che ma Aarón: —Keje xraj ub'ixkil i Dios iri are xub'ij: Ni'pa ketejeb' wu' kink'ut ni chke chi lik in ch'am, xaq kink'ut ni in-ij inchomal chke konojel je aj Israel. Xcha. Are uri ma Aarón to' xuta chik.

NAHUM 3:3

¡Achiyab' ajrij taq kaway enam ke pa ch'oj! ¡Uwalch'inik i ch'ich' chi k'ulala o uware, urepxinik i che' ch'ich' utzam! ¡Lik nti kisuk' i je soktajnaq, k'iyal taq t'ub'aj je kamnaq! ¡Ch'akulaj ke i kamnaq chi lik nti usuk'! ¡I winaq are keb'inik kkitakij kaqan chke!

AMÓS 8:10

Kinjalwachij ni i nima'ij, puk'exel ile kinya ni o'ej kumal i kamnaq, i b'ix re kikotemal ku'an ni b'ix ke i kamnaq; kin-an na chi yix kikoj i'u' re b'is, xaq kisol nu b'i iwi k'utb'al re chi ix o pa k'ax. Kixo' na pacha jun chi usachom rak'al chi lik xa jun o ru', keje ile ronojel kk'is ni pa b'is.

AMÓS 4:10

“Xintaq b'i itzel laj taq k'ax piwi pacha xintaq b'i pkiwi aj Egipto; xin-ano chi ik'ojol kekam pa taq es pa ch'oj xaq xin-ano chi i ajch'oj chiwij ku'an re chke ikaway; xin-an chiwe chi kisiq i chu laj taq kamnaq pa wu'waq taq ja, ¡Xwiri yix xixtzalij ti chik wu'!” Are i Ajwal kub'ij.

Joel 1:13

Yix, chi ix ajsujul sipon, ix ajyijb'al k'ijib'al re sujunik chwach i Dios, chikojo i'u' chi lik as xaq chixo' rumal uk'axk'ol, man i prachoch i Ajwal chi i-Dios nti chik sipon ch'irajil xaq i uwa'al uva muqb'am re ksujuxik.

Joel 1:11

Yix, chi kixchakun pa taq es xaq pa tikb'al taq uva, lik ru' b'is chixo'oq man xu'on ti utz i tikon xaq i molonik re i trigo xaq re i cebada.

Joel 1:5

¡Yix, ab'arelab', chk'un saq chiwach! ¡Lik chixo'oq, ix ajtu'ul uwa'al uva muqb'am, man i uwa'al uva kmaj ni chiwe!

JEREMÍAS 22:18

I Ajwal keje iri kub'ij chrij ma Joacim, chi uk'ojol ma Josías, ajawinel re i Judá: “Lik nti jun chi kro'ej taq ukamik. Lik nti jun chi ko'ik xaq kub'ij: ¡Ay, wachalal achi! ¡Ay, wachalal ixoq! ¡Ay, wajaw! ¡Ay, wajawinel!

ISAÍAS 37:36

Che i a'ab' le, i ángel re i Ajwal xeukamsaj lajujwinaq kamo' oxchiy jut'ub' (185,000) achiyab' aj Asiria chi je o chila che i k'ijib'al re molb'al ib'; che ukab' ij konojel lik je kamnaq chik.

Salmos 39:9

Xinmemerik, lik xinch'aw taj, man yet keje ile xa'an chwe.

Lamentaciones 2:10

I je rijab' re i chom laj tinimit Sion kech'aw taj, je kul pulew, kkikoj ulew pkija' xaq kkikoj ki'u' re b'is. Xaq i altom re i tinimit Jerusalén kkiqajsaj kijolom k'a pulew.

AMÓS 6:4

Ixkotz'ol puwi i chomiq taq kotz'ib'al re marfil, lik kiya iwib' chu'anik i nimaq taq inima'ij i kitij ral taq chij xaq i me' ti'ojib';

AMÓS 6:5

kixut'ij i su' xwiri chom ti uqulil xaq kel ti utz uch'awb'al; ki'an taq iwe pacha xu'an i ma David, to' kinojij taq u'anik ojomb'al re son;

AMÓS 6:8

I Ajwal lik usaqim pub'i; i Ajwal Dios chi ronojel ktiki che, kub'ij: “Lik ktitat inpam che i u'anik nim che rib' i tinimit re ma Jacob lik kwaj ti i rachoch chi nimaq taq ja, kinjach ni i tinimit pu'ab' i ajch'oj chrij, junam ru' ni'pa taq o chupam i tinimit.”

SOFONÍAS 1:7

¡Mixch'oqow chwach i Ajwal, man u'ij i Ajwal lik naqaj chik o wi! ¡I Ajwal usujum jun sipon, ke konojel i je usik'im ru'!