AMÓS 8:10 - Wuj Pa K'ubultzij

¹⁰ Kinjalwachij ni i nima'ij, puk'exel ile kinya ni o'ej kumal i kamnaq, i b'ix re kikotemal ku'an ni b'ix ke i kamnaq; kin-an na chi yix kikoj i'u' re b'is, xaq kisol nu b'i iwi k'utb'al re chi ix o pa k'ax. Kixo' na pacha jun chi usachom rak'al chi lik xa jun o ru', keje ile ronojel kk'is ni pa b'is.

AMÓS 8:10 Referans Kwoze

JEREMÍAS 6:26

¡Umi'al intinimit, chakojo a'u' as k'utb'al re uk'axk'ol, chab'alkatij awib' pa taq chaj, chixb'isonoq xaq lik chixsik'in che o'ej, keje pacha are kkam jun iwak'al chi xa jun olik. Man i jun chi ksachaw qawach, lik ya kk'un chu'anik ch'oj chqij!

ZACARÍAS 12:10

Kinnojsaj ni ru' utz laj Tewal xaq ru' tz'onb'enik che i Dios pkiwi i je umuq uxikin i ma David xaq pkiwi uwinaq i tinimit Jerusalén. Are uri kkil ni jun chi xkimin i che' ch'ich' utzam puk'alk'ax, keb'ison na xaq ke'o' ni che ire pacha ukamik jun ak'al chi lik xwi ire o te'eq o we ntaj pacha ukamik jun ak'al atz.

Ezequiel 7:18

Kkikoj ni ki'u' as k'utb'al re uk'axk'ol; ronojel kich'akul kb'arb'at na, are ke'ek i kipalaj kaqchinchoj u'anom rumal kik'ixb'alil xaq kisolom b'i kiwi che kijolom.

JEREMÍAS 48:37

Konojel i winaq is kisolom b'i kiwi che kijolom xaq ronojel i kismachi' is kisolom b'ik; xaq konojel ki'anom sokonik che i ki'ab' xaq kikojom ki'u' as.

Job 20:23

Are kraj kutzuq rib', i Dios kresaj ni nim laj roywal che xaq lik are ktijin chwa'im kuya ni roywal puwi.

Oseas 2:11

Kinsach ni uwach ukikotemal, che taq unima'ij xaq i k'ak' taq ik', che taq i ij sábado xaq che ronojel ni'pa taq i unima'ij.

NAHUM 1:10

Man lik keje pacha k'ix upach'katum rib' xaq pacha k'im chaqij kek'atsax ni konojel.

AMÓS 8:3

Che i ij le i b'ix re i nim laj ja re i ajawinel k-on ni re b'is. Je k'i i winaq kekamsax na, xaq xa kok'il kkik'aq na li i ch'akulaj chisaq. Are i Ajwal xub'ij ile.

AMÓS 5:23

¡Chiwesaj b'i chinwach ni'pa taq i wojojik re i b'ix! ¡Lik kwaj ti utayik uch'awb'al taq i-arpa!

Job 3:5

¡Wetene xok jun nim laj muj chwach i ij le. O wetene jun nim laj sutz' tz'intz'ik eq xuch'uq uwach i ij le, xaq we ntaj wetene lik xch'uqtaj uwach i ij chi lik xib'in ib'!

Deuteronomio 16:14

Chixkikot che i nima'ij le junam ku' ik'ojol xaq imi'al, ku' iwinaq chi je o pa k'ax iwumal xaq iwajke'el, ku' aj Leví, ku' i winaq aj naj, ku' i ak'alab' chi nti chik kiqajaw kichuch, xaq ku' konojel i malkanib' chi je o pitinimit.

GÉNESIS 21:16

Are uri x-ekub'i pan chinaj che i ak'al, man xub'ij puk'ux: Kwaj taj kwilo are kkam wak'al. Xwiri are xkub'i pan chinaj, i ala le ko xsik'in che o'ej.

LEVÍTICO 13:40

Jun achi we kpuq uwi xaq we k-on kan tz'um puja' ile to' jik xaq lik ch'am.

ISAÍAS 3:24

Puk'exel i kunb'al muy kk'iji ni chuyil, puk'exel i ximb'al pamaj kk'iji ni ch'aqap laso; puk'exel i chom laj uyijb'axik wi'ij ku'an ni tz'um pkija'; puk'exel i k'ul chi paqalik kk'iji ni i k'ul chi lik as; puk'exel i chomalil k-on ni yuk rumal uk'aton jun ch'ich' k'atan pa a'.

JEREMÍAS 2:19

Lik are amak kyaw utojb'alil chawe, are i suk'ul ti laj ak'ux katukamsaj na. Chach'ob'o ub'e man keje ile kawil uri wach i utz taj chi xa'ano chi xinawo'taj kanoq xaq xakoj ti in-ij Yin, chi in Awajwal Dios. Yin in Ajwal, chi ronojel kintiki che, xinb'iw ile.

Lamentaciones 5:15

Lik nti chik kikotemal pqak'ux; i xajoj re qakikotemal xk'is pa b'is.

Ezequiel 7:2

Yin in Ajwal, kinb'ij che i tinimit Israel: Ya kk'un i k'isb'al ij, ya kuriq i k'isb'al ij re ronojel i jyub' ta'aj.

Joel 1:8

Pacha jun ali ko'ik chi kukoj u'u' re b'is rumal ukamik ala chi kk'uli te'eq ru',

AMÓS 5:21

Yin tzel kwilo xaq kinxutuj i nima'ij chi ki'an yix; kumaj ti inwach are kimol iwib' chu'anik xaq lik kiya ik'ux che.

Job 30:31

I usonil i arpa xaq i su', xyiji che i o'ej xaq i b'is chwe yin.

Oseas 2:13

Kinya ni utojb'alil che rumal i ij chi xik'awik chi xusujuj pom chke taq i tiox, are kuwiq rib' ru' b'aq re uwi ab'aj xaq i uwaj, re kterej chkij achiyab' chi je re ani'al xwiri Yin lik xinusach puk'ux. Yin in Ajwal, xinb'ij.