11 Man to' ktijin taq chub'ixkil: Ma Jeroboam kkam ni ru' ch'ich' chi k'ulala o uware, xaq ronojel i tinimit Israel kelsax nu b'i pa cho'ab' chwach rulew.”
Che i b'elejeb' junab' rajawinik ma Oseas, i ajawinel re i tinimit Asiria xuk'am i tinimit Samaria xaq xeuk'am b'i konojel aj Israel prexil chila pa tinimit Asiria. Xeuya chila che i tinimit Halah che i ulew Habor, che i raqana Gozán, xaq o xeuya chila che i tinimit Media.
I lo'laj k'ijib'al re i ma Isaac kewulijsax na; xaq keje i k'ijib'al ipa kkikoj wi ki'ij i kitiox aj Israel kewulijsax na. ¡Kinwalij ni ru' ch'ich' chi k'ulala o uware chkij i ralk'uwal i ma Jeroboam!
¿B'uchak kaxij ti awib' chub'ixkil pub'i i Ajwal chi rachoch i Ajwal kkanaj na pacha i jun chila pa Silo? Chi xaq i tinimit le ksachsax ni uwach xaq lik kkanaj na chi nti chik winaq chwach. Are uri konojel i winaq xkit'ub'ij kib' prachoch i Dios chrij chwach ma Jeremías.
Iri are i utzijonik ma Amós, ajyu'ul chij aj pa tinimit Tecoa, xya' che rumal i Dios chrij i tinimit Israel, che i keb' junab' chuxe'el kab'raqan, che rajawinik i ma Uzías, ajawinel re Judá, xaq re i ma Jeroboam, chi uk'ojol ma Joás, ajawinel re Israel.
Ma Amasías, ajsujul sipon re i Betel, xutaq ub'ixkil che ma Jeroboam, ajawinel re Israel: “Ma Amós kb'in chkixol i winaq aj Israel, kutzukuj tzij chawij yet, Nim laj Winaq. I tinimit ya xrix uk'ux chutayik wach kub'ij, kraj ti chik utayik utzij.
Xwiri yet, tinimit re Sion, chasolo b'i awi che ajolom k'utb'al re i k'ax, kumal awak'al chi lik k'ax keana'o. Lik chasolo b'i awi che ajolom k'a ku'an ni tz'um paja' pacha re jun k'uch, man i awak'al ke'elsax nu b'i pa cho'ab' chwach kulew.”