AMÓS 7:10 - Wuj Pa K'ubultzij

¹⁰ Ma Amasías, ajsujul sipon re i Betel, xutaq ub'ixkil che ma Jeroboam, ajawinel re Israel: “Ma Amós kb'in chkixol i winaq aj Israel, kutzukuj tzij chawij yet, Nim laj Winaq. I tinimit ya xrix uk'ux chutayik wach kub'ij, kraj ti chik utayik utzij.

AMÓS 7:10 Referans Kwoze

JEREMÍAS 38:4

Are uri i ajpatanib' xkib'ij che i ajawinel: —Rajwaxik chi kkamsax i achi ri, man ru' i utzij lik kuqajsaj ki'ij achiyab' chi je yij che i ch'oj chi k'a je kanajnaq kan pa nim laj tinimit, xaq kuqajsaj ki'ij konojel i winaq. I achi le kutzukuj ti chomb'al ib' re i tinimit, xa ch'oj kutzukuj.

Mateo 21:23

Te'uri i Jesús xok chik prachoch i Dios xaq xok chkitijoxik chila. Are uri xetejeb' pan i kaj-atzil i rajpatan i Dios ru', xaq i nimaq taq winaq ke i aj Israel, xaq xkitz'onoj che: —¿Pachin xyaw ile pa'ab' chi kattijin chu'ankil? ¿B'i chi atb'al tzijal o pa'ab', chi keje k-an ile? —Xecha.

1 Reyes 13:33

Tupu lik xusaqij kan i etz ajb'il utzij i Dios ile, xwiri ma Jeroboam xumayij ti ile chi xaqmanal ku'ano, man k'a xeu'ul chik i ajsujul sipon chkixol i winaq, man kki'an kichak pa taq kachoch i tiox chila tzam taq jyub'. Xapachin kraj k-on ajsujul sipon che rib' chwach i tiox le, i ma Jeroboam kuya che chi ku'an upatan pa taq kachoch i tiox.

Hechos 24:5

I achi le lik xa ch'oj kutzukuj chqaxol, lik chwach ronojel i jyub' ta'aj, ktijin chpetsaxik ch'oj chkixol aj Judío xaq are ire ajk'amol utzam chke i jutzob'aj winaq chi “aj nazareno”.

Hechos 7:54

Are xkita ronojel ile i jutzob'aj unimaqil chi kki'at tzij pkitinimit aj Judío, lik xmi' koywal che ma Esteban.

Hechos 5:28

Yoj lik qab'im chik chiwe chi lik kimayij ulapik i Jesús le, i yix xiqelo, xwiri xa ne xixok che i k'utunik chke konojel i winaq aj Jerusalén. Xwi ta la ile xaq kiwaj ne u'ab'axik ukamik i achi le chqij yoj.

Lucas 23:2

Are o chik chila xkijeq ukojik umak; xkib'ij: —Qariqom i achi ri, chi ktijin chkitunik i qach aj tinimit. Ub'im chi kqatoj ti alkawal che i ma César. Kub'ij chi are ire Cristo xaq kub'ij chi are ire Ajawinel —xecha.

JEREMÍAS 18:18

I winaq xkib'ij: “Kqa'an jun ch'ob'onik re jun anik, re sachb'al uwach ma Jeremías. Lik keramtaj ti ajsujul sipon chi kojkinawsaj, xaq keramtaj ti o kino'oj chi kojkipixb'aj, xaq keramtaj ti i profeta chi kkib'ij utzij i Dios chqe. Chqatzukuj umak man keje ile kkamsaxik. Lik mqakoj retalil che wach taq kub'ij.”

1 Reyes 18:17

are xkik'ulaj kib', xub'ij che: —¿Yet b'ari kattijin chkich'ich'axik aj Israel?

GÉNESIS 37:8

Are uri xkila' uwach che: —Ke'eli ile chi ka'at ni tzij xaq kat-ajawin ni pqawi? —Xecha. Are uri ike mas xpe titat kipam che rumal i rachik' chi xulap chke.

JEREMÍAS 36:16

Are xutzin rajlaxik uwach chkixikin, lik xkixij kib' xkitaqej kib' chkiwach xaq xkib'ij: —Ronojel iri kqab'ij ni che i ajawinel.

AMÓS 1:1

Iri are i utzijonik ma Amós, ajyu'ul chij aj pa tinimit Tecoa, xya' che rumal i Dios chrij i tinimit Israel, che i keb' junab' chuxe'el kab'raqan, che rajawinik i ma Uzías, ajawinel re Judá, xaq re i ma Jeroboam, chi uk'ojol ma Joás, ajawinel re Israel.

AMÓS 3:14

che i ij le are kintz'onoj che i tinimit Israel ronojel umak, kinwulijsaj ni k'ijib'al re sujb'al sipon re i Betel; xaq i ok'a' chi o che i sujb'al sipon kk'upix na xaq ketzaq ni pulew.

AMÓS 5:5

Mix-e pa Betel, xaq mix-e pa Gilgal xaq mixik'aw pa Beerseba, man i Gilgal kro'taj ni kan rulew man kelsax b'i chwach pa cho'ab' xaq i Betel kwulijsax na.”

AMÓS 7:11

Man to' ktijin taq chub'ixkil: Ma Jeroboam kkam ni ru' ch'ich' chi k'ulala o uware, xaq ronojel i tinimit Israel kelsax nu b'i pa cho'ab' chwach rulew.”

AMÓS 5:10

¡To' iwach yix, chi ktitat ipam che i jun chi kukowij rib' chuto'ik i jun chi nti umak i k-an k'ax che xaq kik'aq b'i u'ij i ajsaqinel tzij chi ku'an i suk'ulik!