AMÓS 6:2 - Wuj Pa K'ubultzij

² Jix pa Calne i chiwila ut; te'uri kixik'aw pa nim laj Hamat, xaq chixik'aw pa tinimit Gat ke aj Filistea. ¿Xatab'a lik mas ix utz yix chkiwach taq i tinimit le? ¿Mas utz nawi itinimit chwach i ke ike?

AMÓS 6:2 Referans Kwoze

NAHUM 3:8

¿Xatab'a lik mas at utz yet chwach i tinimit Tebas, tinimit chi o chuchi' i raqana Nilo, lik sutim rij che uk'iyal ya, i raqana xaq i mar lik kajwax che re tob'al rib' chkiwach jub'an chik?

2 Reyes 18:34

¿Ipa je o wi kitiox aj Hamat xaq aj Arfad? ¿Ipa je o wi kitiox aj Sefarvaim, aj Hena xaq aj Iva? ¿Xetiki wa chkito'ik aj Samaria pki'ab' aj Asiria?

GÉNESIS 10:10

I nimaq taq tinimit chi xk'iji pu'ab' are iri: Babel, Erec, Acad xaq i Calne, ronojel i tinimit le chupam ulew Sinar o wi.

SEGUNDO LIBRO DE CR%D3NICAS 26:6

Ma Uzías xujeq u'anik ch'oj chkij aj Filistea, xuwulijsaj i tapial nim uwach chi o chrij i tinimit Gat, Jabnia xaq Asdod xaq xuyak i jalajuj taq tinimit chkixol aj Filistea chila pa Asdod.

1 Samuel 17:4

Are uri xaqte'et xwinaqir jun achi chkixol aj Filistea chi yij che i ch'oj; lik naj rij man xa jun ripaj ab'aj chik u'onom ti keb' xik'ab' unajtil rij, ire le ma Goliat ub'i, xaq aj pa tinimit Gat.

2 Reyes 19:13

¿Ipa je o wi i ajawinelab' re i tinimit Hamat, Arfad, Sefarvaim, Hena xaq i tinimit Iva?”

2 Reyes 17:30

I winaq aj pa tinimit Babilonia xki'an i tiox Sucut-benot; i winaq aj Cuta xki'an i tiox Nergal; i winaq aj Hamat xki'an i tiox Asima.

2 Reyes 17:24

I ajawinel re i tinimit Asiria xeuk'am li i winaq pa tinimit Babilonia, Cuta, Ava, Hamat xaq Sefarvaim man kejeqi chila Samaria pkik'exel aj Israel. Keje uri ile chi xejeqi ike chila pa tinimit Samaria xaq che jub'an chik nimaq taq tinimit chi re i Samaria.

1 Reyes 8:65

Che taq i ij le, i ma Salomón xu'an jun nima'ij junam ku' konojel aj Israel, lik je k'i xemoltajik, k'unnaq kichi' che i okb'al che i tinimit Hamat, uponnaq k'a chi raqana Egipto; xki'an i nima'ij ke i mujb'al re es, ile xuch'ij wuqub' ij kojb'al u'ij i Qajwal Dios. Xaq xki'an jun chik nima'ij chi xuch'ij chik wuqub' ij, ke'eloq chi kajlajuj ij xuch'ij ronojel i nima'ij le.

1 Samuel 17:23

Are ktijin che i lapanik ku' i ratz, are uri i aj Filistea chi ma Goliat, chi aj pa tinimit Gat, xel li chkixol i aj Filistea chi kitusum kib', xok chik chuto'taxik koywal aj Israel chu'anik ch'oj pacha ax k-on wi. I a David le xuta.

1 Samuel 5:8

Are uri xkitaq utzijol ku' konojel kaj-atzil aj Filistea man kkimol kib' ku' xaq xkitz'onoj chke: —¿Wach kqa'an che i kaxa re ki-Dios aj Israel? I aj-atzil xkib'ij: —Chik'ama b'i pa tinimit Gat. Are uri aj Filistea xkik'am b'i chila.

JEREMÍAS 49:23

Tzijonik chrij i Damasco: “I nimaq taq tinimit re Hamat, xaq Arfad lik je o pa k'ixb'alil, man xupon utz ti laj taq tzijonik ku'. Lik to' pa xib'rikil chik je o wi, lik utz ti je olik.

1 Samuel 5:10

Are uri i aj Filistea xkik'am b'i lo'laj ukaxa i Dios chila pa Ecrón, xwiri i winaq aj Ecrón le xesik'in rumal kixib'rikil xkib'ij: “¡Xkik'am li kaxa re ki-Dios aj Israel qu' kamsab'al qe qonojel!” Xecha.

2 Samuel 8:9

Are xretamaj ma Toi, chi ajawinel re i tinimit Hamat, chi ma David xeuch'ak konojel i achiyab' chi je yij che i ch'oj re ma Hadad-ezer,