AMÓS 6:11 - Wuj Pa K'ubultzij

¹¹ Man i Ajwal kutaq na li uya'ik utojb'alil pkiwi i nimaq taq ja xaq pkiwi i ch'utiq ja, lik konojel kewulij na.

AMÓS 6:11 Referans Kwoze

AMÓS 3:15

Kinwulijsaj ni ja re i alaj xaq re i sa'ij, lik kinsachsaj ni kiwach i ja re marfil xaq keinwulijsaj ni i nimaq taq ja ke ajawinelab'.” I Ajwal xub'ij ile.

ISAÍAS 55:11

Xaq keje k-on i tzij ile chi kel pinchi', ktzalij ti wu' yin we nti xu'ano, are i ku'ano lik ku'an na pacha kwaj yin xaq kkojon che intaqanik.

2 Reyes 25:9

Are xupon pa nim laj tinimit Jerusalén, xunak' a' che i rachoch i Dios, che i nim laj rachoch i ajawinel xaq ronojel ni'pa i kachoch i winaq re i nim laj tinimit, xaq xk'at b'i kachoch konojel ni'pa nimaq kopis pa tinimit.

Lucas 19:44

Kkisach ni uri uwach itinimit, xaq kekikamsaj ni ni'pa i je jeqel chupam. Are kutzinik, mitene jun ab'aj kkanaj puwi i rachi'il. Keje ni ile ke'eloq, man xita ti usuk' are xupon i Dios iwu' tob'al iwe.”

ZACARÍAS 14:2

Che i ij le i Ajwal kumol ni kichi' i nimaq taq tinimit re kki'an ch'oj chrij i tinimit Jerusalén. Xaq kkich'ak ni i tinimit, kkel-aj nu b'i ub'itaq ke pa kachoch, kechap ni kixoqil pa cho'ab' i kkimin kib' ku' xaq kek'am nu b'i nik'aj chke uwinaq. Xwi nik'aj chik kekanaj ni pa Jerusalén.

NAHUM 1:14

I Ajwal xuya jun taqanik chi klapan chawij yet, ajawinel re Nínive: “Lik nti chik amuq axikin re kuxtab'al ab'i; prachoch i atiox kinsachsaj ni kiwach i tiox chi xaril je antalik xaq i k'exwachij, chila na katinmuq wi yet man lik katajwax ti chik.”

AMÓS 9:9

Yin kintaq u'anik, chi i rachoch ma Israel ksaysax na pacha usayik i trigo k-an chupam usayb'al, chi lik mijun b'a'wach trigo ktzaq ni pulew.

AMÓS 9:1

Xwil i Ajwal, chi o chuk'ulel i k'ijib'al re sujb'al sipon i kub'ij chwe: “Chayoqya i aqan re i ja k'a kesilab' ni et; ¡Are je ch'aqa taq chik chetzaq na li pkiwi i winaq! Pachin kekanajik je k'aslik keinkamsaj ni ru' ch'ich' chi k'ulala o uware: Tupu ke'anmajik, lik mijun ktotajik;

AMÓS 6:8

I Ajwal lik usaqim pub'i; i Ajwal Dios chi ronojel ktiki che, kub'ij: “Lik ktitat inpam che i u'anik nim che rib' i tinimit re ma Jacob lik kwaj ti i rachoch chi nimaq taq ja, kinjach ni i tinimit pu'ab' i ajch'oj chrij, junam ru' ni'pa taq o chupam i tinimit.”

Oseas 13:16

I tinimit Samaria kuk'am nu b'i i utojb'alil umak, man rumal xuqel u-Dios. Kekam ni che uware i ch'ich' chi k'ulala o uware, i ni'pa kak'al kexa'ix ni pulew xaq i ixoqib' je raxwinaq kraqix ni kalanb'al.

ISAÍAS 13:3

Ya je insik'im chik i wajch'oj chi lik ko kiwach, ya inya'om chik i taqanik chke i wajch'oj chi je jachtal pu'ab' i Dios, chke ni'pa kekikot che inch'akanik, man keje ile kkiya ni utojb'alil chke ajch'oj chwij.”

ECLESIASTÉS 10:18

I rachoch i winaq chi kuk'ayo lik utz ti chik u'anom; nab'e ktzaq li uwi, te'uri ktzaq li uxe'.

Salmos 105:34

Xch'aw i Dios, xaq te'uri xeupon k'iyal taq sak' ¡Chi lik k-ani ti tikilem chkajlaxik!

Salmos 105:31

Xch'aw i Dios, are uri xek'un jub'an iskatz xaq jub'an xan chi xkinojsaj uwach ronojel i tinimit.

Salmos 105:16

I Dios xuya li jun nim laj numik chwach ulew man xusach uwach ronojel i kitikon.

AMÓS 5:11

Man xaq kiya'ya i nib'a' che aqan xaq lik nim alkawal kitz'onoj chke rumal ki-trigo, rumali kixjeqi ti chupam i ja re ab'aj chi kiyakom, xaq kitu' ti uwa'al uva muqb'am che i uva chi kitikom.

MALAQUÍAS 1:4

We i aj Edom, chi je umuq uxikin i ma Esaú, kkib'ij: “Wulijsam ni'pa ub'itaq qe, xwiri kqayak chik i nim laj qatinimit”, i Ajwal chi ronojel ktiki che, kula' neri uwach: “Ike kkiyak neri, xwiri Yin kinwulijsaj tan chik chke. I ub'i utinimit are ni iri: Tinimit re mak atzalal xaq nim laj Tinimit chi nti uk'isik roywal i Ajwal chrij.”