AMÓS 5:2 - Wuj Pa K'ubultzij

² I chom xaq i ch'am laj tinimit Israel xtzaqik; xtzaqik i lik kwalij ti chik. Xjab'i kan chwach i rulew, i lik nti jun pachin kyakawik.

AMÓS 5:2 Referans Kwoze

JEREMÍAS 14:17

Chab'ij iri chke i winaq: Lik kturur uwa'al inwach chipa'ij chicha'ab', lik kumayij taj, rumal i nim laj uyej chi je o intinimit chupam, rumal i uk'axk'ol i soktajnaq che, chi lik nim.

AMÓS 9:11

I ij kk'unik are kinyak ni chik i ral rachoch ma David chi tzaqnaq te'eq. Kinyijb'a i utz taj che, ni'pa i ja chi je tzaqnaq pulew keinyak na, xaq kin-an tan chik che pacha u'anom te'eq ujer,

AMÓS 8:14

I jub'an chi kkisaqij pkib'i i tiox re Samaria; ike chi kkib'ij: “Rumal uk'aslemal a-dios, yet tinimit Dan”, “rumal taq kik'aslemal i tiox aj Beerseba”, ketzaq na, i lik kewalij ti chik.

Oseas 14:1

¡Chattzalij chaloq, Israel, ru' awajwal Dios, yet chi xattzaq rumal amak!

Oseas 6:2

Chrijil keb' ij kutzalijsaj chali qak'aslemal, che urox ij kojuyak na man kojk'asi ni chwach Ire.

Lamentaciones 2:13

¿Wach nawi ru' katinjunamsaj wi chom laj tinimit Jerusalén? ¿Wach nawi jun k'utunik kin-an yin chawe re kinyu'uj axikin, lik ch'am xaq chom nim laj tinimit Sion? Lik nim pacha i nim laj mar keje ile xu'on uk'isik awach; ¿Pachin nawi kuya i uxlanem chawe wo'or?

JEREMÍAS 51:64

te'uri chab'ij: Keje umuqtajik b'i tinimit Babilonia ile, xaq lik kyaktaj ti chik che i k'ax chi Ajwal kutaq li puwi.” Chi kk'is wi utzijonik ma Jeremías.

JEREMÍAS 50:32

Nim laj tinimit chi ka'an nim che awib', katakij ni awaqan xaq kattzaq na, xaq lik mijun katuyak na. Kinnak' a' che konojel atinimit, i a' le kusachsaj ni kiwach ronojel ni'pa i je o chawij chawach.”

JEREMÍAS 31:4

Katinyak chik, Israel. Xaq kixk'un tan chik ru' i chilchil, lik kixxajaw ru' i kikotemal.

JEREMÍAS 18:13

Rumali, i Ajwal kub'ij: “Chitz'onoj pa nimaq taq tinimit we o jun utom i tzij pacha iri. ¡I tinimit Israel lik tzel ktzun i u'anom!

JEREMÍAS 4:20

Lik uterb'em rij utzijol i xaqmanal taq anik, xaq ronojel i nim laj tinimit lik xaqmanal ktijin chuk'ulmaxik. Xaqte'et xkiwulijsaj ink'ijib'al, lik mutmut x-on kan i wu'waq taq ja re wachoch.

JEREMÍAS 2:27

Kkib'ij che jun che': “Yet at inqajaw,” xaq kkib'ij che jun ab'aj: “Yet at inchuch.” Xwiri chwe, yin, kkiya kan uchel kij, are ti kipalaj. Xwiri xaq k'amo ne kkiriq chwach jun k'ax, kkib'i la chwe: ¡Chatpet chqato'ik!

ISAÍAS 43:17

Xeresaj li konojel uk'iyal winaq chi lik je yijil che i ch'oj, ru' kikareta xaq ru' kikaway, re sachb'al kiwach. Xeutzaqsaj xaq lik xewalij ti chik, xk'is kiwach pacha i chij re i a' chi kchupik.

ISAÍAS 37:22

Are i tzij iri chi xub'ij i Ajwal chrij i ajawinel aj Asiria: Ma Senaquerib, i tinimit Sion keje pacha jun chom laj ali chi katutze'ej yet. I aj Jerusalén kkisutsa kijolom re i yo'yanik are kkilo chi kat-ek.

ISAÍAS 24:20

Lik krank'at na pacha jun ab'arel xaq ktank'ay na pacha jun ch'uxja chi nti chik ucho'ab'. I umak lik al na o puwi chi ktzaq ni chuxe' xaq kuch'ij ti chik walijik.

ISAÍAS 14:21

Chiyijb'a iwib' chkikamsaxik i alk'uwalxelab' rumal ni'pa i tzij chi xkinuk' kiqajaw kichuch. Man keje ile kkich'ob' ti chik u'anik k'ax chke i winaq chwach ulew xaq kkinojsaj ti chik uwach i jyub' ta'aj che i tinimit.

ISAÍAS 3:8

Saq laj tzij i tinimit Jerusalén kwulij na, xaq i tinimit Judá lik kk'is ni uwach, man chila kb'ix wi xaq k-an wi i b'iroxik chi utz taj chrij i Ajwal, are i b'iroxik ile chi kuqajsaj u'ij i Ajwal.

2 Reyes 17:16

Xkiya kan utzij upixab' i Kajwal Dios, xki'an keb' uk'exwach keb' ral taq me' ru' anch'ich' kojb'al ki'ij, xaq xki'an jun uk'exwach ati Asera xaq xkikoj ki'ij i jalajuj taq b'iroxik chi je o chikaj xaq xkikoj u'ij i tiox Baal.

2 Reyes 15:29

Che taq ij re rajawinik ma Peka pa tinimit Israel, xupon ma Tiglat-pileser, chi ajawinel re i tinimit Asiria. I ajawinel le, xumaj i tinimit Ijón, Abel-bet-maaca, Janoa, Cedes, Hazor, Galaad, Galilea xaq ronojel ulew Neftalí; konojel i winaq xeuk'am b'i prexil pa tinimit Asiria.

JEREMÍAS 8:4

Yet, ma Jeremías, chab'ij i tzijoniki chke i winaq chi kinb'ij yin: Jun are ktzaqik, kwalij chik; jun are kusach ub'e ktzalij chik che i b'e.

JEREMÍAS 9:9

¿Xatab'a kinya ti utojb'alil chke rumal ile? ¿Xatab'a kinya ti utojb'alil che jun tinimit pacha ile? Yin in Ajwal, xinb'iw ile.

JEREMÍAS 9:21

“I kamik xok pqamuj pqasok, xok k'a pa nim laj rachoch i ajawinel, keukamsaj ak'alab' pa taq b'e xaq keukamsaj i k'ojolab' pa taq k'eb'al.