AMÓS 5:1 - Wuj Pa K'ubultzij

¹ Chita intzij, ix aj Israel; chita i tzij re i k'ax pink'ux chiwij yix:

AMÓS 5:1 Referans Kwoze

Ezequiel 19:1

Yet, at winaq, chab'ixaj i b'ixi re b'is chke i ajawinelab' re i tinimit Israel:

JEREMÍAS 9:17

I Ajwal chi ronojel ktiki che kub'ij: “¡Chita pe'! Chitaqa kik'amik ixoqib' chi lik are kichak i o'ej.”

JEREMÍAS 9:10

Chixo'oq xaq chixjilaw rumal i jyub', chixwuywat che i b'is rumal i tzam taq jyub', man je k'atnaq chik, xaq mijun chik kik'aw chwach; ktataj ti chik kich'awb'al i chikop chwach xaq xe'anmaj ne i tz'ikin xaq itzel taq chikop chwach.

JEREMÍAS 7:29

¡Ix, aj Jerusalén, chik'upij iwi xaq chik'aqa b'ik! ¡Chib'ixaj jun b'ix re b'is chwi pelpaq taq loma! Man i Ajwal mi'naq roywal ku' awinaq, je ro'tam kanoq xaq je uxutum kanoq.

Miqueas 2:4

Che taq i ij le kixb'ixax ni ru' i b'ix re o'ej. Kb'ix ni chiwe: Lik xsachsax qawach qonojel; i qatinimit, are i Ajwal rajaw, lik jalwachim i rajaw xaq lik mijun k-atiwik; ni'pa taq qulew lik jachtal chkiwach i je ajch'akanel chqij.”

AMÓS 5:16

Keje iri kub'ij i Ajwal Dios chi ronojel ktiki che: “Pa ronojel taq k'eb'al o ni o'ej, ronojel xol taq b'e o ni sik' re i k'axk'ol. Kekisik'ij ni i winaq chi je ajchak pa taq es che i b'is, xaq i je aj-o'ej winaq chi lik are kiwach ke'o'ik.

AMÓS 4:1

Chita i tziji, ix ixoqib' aj Samaria, chi pacha taq ix b'akib' re Basán, ixoqib' chi kkiya puyej i nib'a'ib', ixoqib' chi kki'an k'ax chke i o rajwaxik chke, chi lik kekitaq i kachijil ru' i tziji: ¡Chik'ama li uwa'al uva muqb'am re kqatu'u!

AMÓS 3:1

Aj Israel, chita wach kub'ij i Ajwal chiwe chi ix utinimit chi xixresaj li pa Egipto:

Ezequiel 32:16

Iri are jun b'ix re muqunik, xaq rajwaxik keje ub'ixaxik ile kki'an ixoqib' re jalajuj taq tinimit are ke'o' che Egipto xaq che uk'iyal uwinaq. Yin in Ajwal, kinb'ij.

Ezequiel 32:2

Chab'ixaj i b'ixi re muqunik che i ma faraón, chi ajawinel re i tinimit Egipto: Lik at pacha jun koj ke i nimaq taq tinimit; lik at pacha jun itzel chikop aj pa mar: Kapach'pa awib' chupam araqana, ru' awaqan ka'an tz'il che uwach i ya xaq katukta upam i ya.

Ezequiel 28:12

Yet, winaq, chab'ixaj jun b'ix re muqunik che i ajawinel re tinimit Tiro xaq chab'ij che: Iri are kub'ij i Ajwal: Yet at are te'eq k'utb'al re i suk'ulik, chi lik o ano'oj xaq lik tz'aqat achomalil.

Ezequiel 27:2

Yet, winaq, chab'ixaj i b'ixi re muqunik

Ezequiel 26:17

Te'uri kkib'ixaj ni jun b'ix chawe chi are i b'ix re muqunik: ¡B'uchak xsachsax awach, b'uchak xatsach pa mar, tinimit chi o a'ij! ¡Yet ku' awinaq lik o te a'ij chuchi' i mar xwiri xatik i kamik xib'rikil chwach ronojel i jyub' ta'aj!

Ezequiel 19:14

Che taq u'ab' kel li jun a' chi kutij b'i utux xaq i uwach. Lik nti chik u'ab' ko, chi kki'an kich'amiy i ajawinelab' che. Iri are jun b'ix re b'is, rumali kb'ixax na re b'ix re b'is.

JEREMÍAS 9:20

Ixoqib', chita utzij i Ajwal, chikojo retalil che utzij. Chik'utu o'ej chke iwalit xaq chik'utu i o'ej chke i kamiy keje iri:

JEREMÍAS 9:9

¿Xatab'a kinya ti utojb'alil chke rumal ile? ¿Xatab'a kinya ti utojb'alil che jun tinimit pacha ile? Yin in Ajwal, xinb'iw ile.

JEREMÍAS 18:13

Rumali, i Ajwal kub'ij: “Chitz'onoj pa nimaq taq tinimit we o jun utom i tzij pacha iri. ¡I tinimit Israel lik tzel ktzun i u'anom!

AMÓS 8:14

I jub'an chi kkisaqij pkib'i i tiox re Samaria; ike chi kkib'ij: “Rumal uk'aslemal a-dios, yet tinimit Dan”, “rumal taq kik'aslemal i tiox aj Beerseba”, ketzaq na, i lik kewalij ti chik.