AMÓS 4:3 - Wuj Pa K'ubultzij

³ Itususem iwib' kixel nu b'i pa taq ch'ut b'e, i kixk'aq ni chila che i jyub' Hermón.” I Ajwal xub'ij ile.

AMÓS 4:3 Referans Kwoze

Ezequiel 12:5

Te'uri cha'ana jun tel che i tapial, chkiwach konojel, i chatel b'i chila che i tel le ru' ub'itaq awe.

Ezequiel 12:12

I aj-atzil ke ike xaq kuk'am nu b'i ub'itaq re chwi uteleb', are kok equm kel nu b'i che i tel chi kki'an ni che i tapial. Xaq uch'uqum upalaj kel nu b'ik man mijun kril upalaj xaq mitene ire kril ti i tinimit.

Mateo 16:26

Jun, ¿We kuch'ak ronojel i b'eyomal re uwach i jyub' ta'aj, xwiri we xa kusach uk'aslemal saqil? Lik nti uch'akom uri. ¿Wach utojik uri ku'an na, ch'akb'al re uk'aslemal saqil, we usachom?

SOFONÍAS 1:18

Che i ij re i roywal i Ajwal, lik ketotaj ti i winaq mitene ru' i kisaq-o'oj xaq i ki'an-o'oj, man i u'a'ul i roywal i Ajwal kuk'at nu b'i ronojel i tinimit. ¡Lik konojel i winaq chwach i jyub' ta'aj lik juntir ksachsax b'i kiwach!

ISAÍAS 31:7

Man che taq i ij are iwonojel yix kik'aq b'i ki'ij i tiox an-o'oj xaq i saq-o'oj chi yix ix anawnaq ru' i ajmak laj i'ab',

ISAÍAS 2:20

Che taq i ij le i winaq kkik'aq nu b'i kitiox chkiwach i ch'o xaq chkiwach i sotz', je are i tiox chi lik an-o'oj xaq i saq-o'oj chi je are ike je anawnaq re kkikoj ki'ij.

2 Reyes 25:4

Are uri xki'an jul chwach taq i tapial nim uwach re i nim laj tinimit. Tupu aj Caldea kisutim rij i tinimit, i ajawinel xaq konojel i achiyab' chi je yij che i ch'oj, xe'anmaj b'i pa nim laj tinimit cha'ab'. Konojel xe'el b'i che uchija chi o chuxol i keb' tapial chi nim uwach, che i b'e chi k-e pa tikonb'al kotz'ij chi o chi rachoch i ajawinel, te'uri xkimaj chub'i jun b'e chi k-e chwa ta'aj Jordán.

2 Reyes 7:15

Are uri ike xeterej b'i chrij kaqanb'al aj Siria, k'a chila che i raqana Jordán. Are uri xkilo chi ronojel pa taq b'e k'aqtal kan k'ul xaq jalajuj taq b'iroxik chi kik'aqom kan aj Siria are xe'anmaj b'i pa'anem. Chrijil chik ile te'uri xetzalij li achiyab' le xekib'ij che i ajawinel ronojel ni'pa xkilo.

Jueces 5:17

I winaq chi je aj Galaad xe'uxlan kan chila ch'aqa ya Jordán. Ma Dan xaq uwinaq xekanaj kan chila ipa je o wi i barco. I ma Aser junam ku' uwinaq xejeqi kan chila pa tinimit chi taq mar, lik xe'el ti chila.

JEREMÍAS 52:7

Are uri xki'an jun tel chke i tapial re i tinimit, tupu i aj Caldea kisutim te'eq rij, i ajawinel xaq i achiyab' chi je yij che i ch'oj xe'anmaj b'i cha'ab' pa tinimit. Xe'el b'i che i uchija chi o chuxol i keb' tapial che i b'e re i tikonb'al kotz'ij re i rachoch i ajawinel, xaq xkimaj b'i b'e chi k-e chwa ta'aj re i Jordán.

AMÓS 6:7

Are yix nab'e kixelsax nu b'i pa cho'ab' chwach iwulew, xaq ksach ni uwach ni'pa taq i nima'ij ki'ano chi nti kajwax wi.