AMÓS 4:2 - Wuj Pa K'ubultzij

² I Ajwal Dios xusaqij pub'i rumal i lo'laj uch'amil: “Kk'un ni ij chi yix kixk'am b'i ru' xok ch'ich', xaq iwak'al keya' ni chutzam xok ch'ich' chapb'al kar.

AMÓS 4:2 Referans Kwoze

JEREMÍAS 16:16

Kin-an na chi kek'un k'iyal taq ajchapol kar chapb'al ke aj Israel, Yin in Ajwal kinb'ij. Chrijil chik ile kin-an na chi kek'un k'iyal taq ajmontiyar re kekichapo xaq kekesaj li chwi taq jyub' xaq chwi taq loma xaq kekesaj li pa taq k'awalaq re i nimaq taq ab'aj.

Salmos 89:35

Xa jumuli lik insaqim pub'i i lo'laj inch'amil, rumali lik kint'or taj:

AMÓS 6:8

I Ajwal lik usaqim pub'i; i Ajwal Dios chi ronojel ktiki che, kub'ij: “Lik ktitat inpam che i u'anik nim che rib' i tinimit re ma Jacob lik kwaj ti i rachoch chi nimaq taq ja, kinjach ni i tinimit pu'ab' i ajch'oj chrij, junam ru' ni'pa taq o chupam i tinimit.”

ISAÍAS 37:29

Weta'am i nim laj awoywal xaq weta'am wach taq ukojik a'ij ka'ano, kinkoj ni jun sotsik ch'ich' patzam xaq jun ch'ich' pachi', man keje ile katintzalijsaj chali che i b'e ipa at petnaq wi. Xcha i Ajwal.

Ezequiel 29:4

Kinkoj ni xok ch'ich' patzam, i kin-an na chi ral taq kar chi je o chupam araqana, kenak'i ni che asolot. ¡Lik katwesaj na li chupam araqana ru' konojel ni'pa i kar chi je nak'al che asolot!

Ezequiel 38:4

Kin-an chawe chi kattzalij chaloq, kinkoj xok ch'ich' pachi', katwesaj b'i yet xaq konojel i akaway, junam ku' i ke'an chkij chi chomiq ki'u', i je ajch'oj le chi lik je k'i kiyijb'am kib' ru' kich'ojb'al chi k'ulala o uware xaq i jalajuj taq tob'al kib'.

AMÓS 8:7

I Ajwal lik usaqim ru' uchomalil i ma Jacob: “Lik ksach ti chink'ux wach i ki'anom.”

Salmos 89:36

Lik arewi kerajawin ni i je umuq uxikin puk'exel ire, tz'aqat k'a o i ij.

Ezequiel 34:16

Keintzukuj ni chij chi je sachnaq, keink'am na li i kisachom kib'e, kinb'atz ni k'ul chrij kaqan i chij le we ajnaq kaqan, keinto ni nti kicho'ab', ke'inchajij ni je ti'ojib' xaq i o kicho'ab'. Yin ke'inchajij na pacha i rajwaxik.