AMÓS 3:8 - Wuj Pa K'ubultzij

⁸ ¿Pachin kb'arb'at ti rumal uxib'rikil we ksik'in i koj? ¿Pachin kch'aw ti pub'i i Ajwal we are Ire taqannaq?

AMÓS 3:8 Referans Kwoze

Hechos 4:20

Yoj lik kqamayij ti ub'ixkil ni'pa qilom xaq i qatom.

AMÓS 3:4

we i koj kuraq puqul pa k'achelaj, alaj uri chi xuchap jun uti'; we i ral koj krawin li pa jul, alaj uri chi o tikinaq chuchapik;

JEREMÍAS 20:9

We kinb'ij: “Kinch'ob'ch'a ti chik i Ajwal, kinlapan ti chik pub'i Ire”, I atzij k-on uri pacha jun a' pink'ux chi kk'atanik, chi kqaj k'a chwach inb'aqil, lik kintij u'atixik, xwiri kintiki ti che.

AMÓS 1:2

I Ajwal are ku'ano chi ktataj uch'awb'al chi ktinin li k'a chwi jyub' Sion chila Jerusalén, i ulew re i k'im kchaqijik xaq lik kchaqij i jyub' re i Carmelo.

Apocalipsis 5:5

Te'uri o jun chke i nimaq taq winaq xub'ij chwe: “Chamayij o'ej, chi o wi ire chi kmajaw che kujaq i wuj. Ire le are i Cristo aj Israel winaq chi koy-em, are i Jun chi umuq uxikin kan i ajawinel ma David. Ire le o ucho'ab' pacha jun koj, man uqajsam ucho'ab' Itzel; rumal uri o pu'ab' kuraqch'ij i wuqub' sello xaq kujaq i wuj.” Xub'ij chwe.

1 Corintios 9:16

Yin kin-an ti nim che wib' rumal in ajpaxsanel i utz laj tzij k'ak' re i Dios, man kinna yin chi lik chinqul o wi ub'ixkil. ¡To' inwach yin we kinpaxsaj ti utzijol i utz laj tzij k'ak' re i Dios!

AMÓS 2:12

“Xwiri yix lik xeitaq aj nazareo chutu'ik i uwa'al uva muqb'am, xaq xei'atij i je profeta chi kkib'ij ti chik intzij.

Hechos 5:29

I ma Pedro xaq i jub'an chik apostolab' xkila' uwach chke: —Lik chqaqul o wi chi kojkojon che i Dios nab'e chkiwach i winaq.

Hechos 5:20

Jix prachoch i Dios, chixtak'al chkiwach i winaq chila xaq chib'ij chke wach taq usuk' i k'ak' laj k'aslemal.

ISAÍAS 31:4

I Ajwal xub'ij chwe: “Keje pacha jun koj chi ukamsam jun chij, kuxij ti rib' chke ajyu'ul chij, tupu kkimol kib' konojel xaq kkitij taq uxib'ixik ru' sik', keje uk'unik i Ajwal ile chi ronojel ktiki che chuto'ik utinimit che i jyub' Sion.

Ezequiel 29:21

Che taq i ij le kin-an na chi kk'iyar ucho'ab' i tinimit Israel, i yet, ma Ezequiel, lik chatch'aw ni saqil ku' are lik mijun kat-atiwik. Are uri kketamaj na chi Yin in Ajwal.

ISAÍAS 21:10

Intinimit, lik xatya'yaxik pacha k-ani che i trigo, yin kinya utzijol chawe wach xinta che i Ajwal chi ronojel ktiki che, chi ki-Dios aj Israel.

JEREMÍAS 26:12

I ma Jeremías xlapan ku' i je aj-atzil xaq ku' i winaq, xub'ij chke: “Are i Ajwal xintaqaw li chub'ixkil pub'i ire chi i rachoch i AJWALI xaq i tinimiti kya' ni k'oqb'al pkiwi, ronojel ni'pa xita chi xinb'ij.