AMÓS 3:15 - Wuj Pa K'ubultzij

¹⁵ Kinwulijsaj ni ja re i alaj xaq re i sa'ij, lik kinsachsaj ni kiwach i ja re marfil xaq keinwulijsaj ni i nimaq taq ja ke ajawinelab'.” I Ajwal xub'ij ile.

AMÓS 3:15 Referans Kwoze

JEREMÍAS 36:22

Che taq i ij le are i ub'elej ik', i ajawinel o chupam i tasaj re i ja re i alaj, chwach jun yab'al a'al chi kwon a' che.

1 Reyes 22:39

I jub'an chik lapanik chrij uk'aslemal ma Acab xaq ronojel ni'pa i xu'ano, xaq i nim laj rachoch chi re marfil, xaq i tinimit chi xeuyako, tz'ib'tal chupam i wuj re i crónicas ke i ajawinelab' aj Israel.

Jueces 3:20

I ma Aod are xkanaj kan utukel ru' ma Eglón, are uri xtejeb' pan ru' pa ja ipa uxlannaq wi, xub'ij che: I tzij chi ink'amom li chawe, nim laj winaq, are i Dios b'iwnaq li chwe. I ma Eglón are xuta ile xwalij pukub'ib'al chi o u'ij.

AMÓS 6:11

Man i Ajwal kutaq na li uya'ik utojb'alil pkiwi i nimaq taq ja xaq pkiwi i ch'utiq ja, lik konojel kewulij na.

ISAÍAS 5:9

I Ajwal chi ronojel ktiki che lik ub'im chwe: “K'iyal taq ja kwulijsax na; tupu lik nimaq xaq lik chomiq ketzunik, mijun kjeqi chik chupam.

AMÓS 3:11

Rumali, keje iri kub'ij i Ajwal Dios: “Jun ajch'oj kusutij ni rij i nim laj tinimit, kuwulijsaj ni ronojel i tob'al awib' xaq kel-an b'i chupam i nimaq taq awachoch.”

Salmos 45:8

Ronojel a'u' lik muy ksiqawik rumal umuyil i mirra, áloe xaq i canela; ru' usonil i arpa lik katkikot pa nim laj awachoch chi antal ru' marfil.

AMÓS 2:5

Rumali kinkoj ni a' che i ulew Judá, i a' le kusachsaj ni kiwach i nimaq taq ja ke i ajawinelab' re i Jerusalén.”

AMÓS 5:11

Man xaq kiya'ya i nib'a' che aqan xaq lik nim alkawal kitz'onoj chke rumal ki-trigo, rumali kixjeqi ti chupam i ja re ab'aj chi kiyakom, xaq kitu' ti uwa'al uva muqb'am che i uva chi kitikom.

MALAQUÍAS 1:4

We i aj Edom, chi je umuq uxikin i ma Esaú, kkib'ij: “Wulijsam ni'pa ub'itaq qe, xwiri kqayak chik i nim laj qatinimit”, i Ajwal chi ronojel ktiki che, kula' neri uwach: “Ike kkiyak neri, xwiri Yin kinwulijsaj tan chik chke. I ub'i utinimit are ni iri: Tinimit re mak atzalal xaq nim laj Tinimit chi nti uk'isik roywal i Ajwal chrij.”