AMÓS 3:12 - Wuj Pa K'ubultzij

¹² Keje iri kub'ij i Ajwal: “Keje pacha i ajyu'ul chij chi kresaj li keb' aqanij o we utzam jun xikinaj puchi' i koj, keje uri k-on i ki'anmajik i aj Israel ile chi je jeqel pa Samaria, ike le chi kki'ayb'a kib' che chomiq taq kotz'ib'al re i Damasco.”

AMÓS 3:12 Referans Kwoze

ISAÍAS 31:4

I Ajwal xub'ij chwe: “Keje pacha jun koj chi ukamsam jun chij, kuxij ti rib' chke ajyu'ul chij, tupu kkimol kib' konojel xaq kkitij taq uxib'ixik ru' sik', keje uk'unik i Ajwal ile chi ronojel ktiki che chuto'ik utinimit che i jyub' Sion.

2 Reyes 16:9

Are uri i ajawinel le xu'ano wach xtz'onox che, rumali xuyijb'a jun ch'oj chkij i winaq chi je o chila pa tinimit Damasco xaq xtiki chuk'amik kan ulew le. Chrijil chik ile xeroqtaj b'i konojel i winaq chi je o chila che i tinimit le, xeresaj b'i chila che jun tinimit chi Kir ub'i, chrijil chik ile xukamsaj ma Rezín.

1 Reyes 22:25

I ma Micaías le xub'ij che: —Kawetamaj na are kuriq i ij chi to' kawuwaj chik awib' chi taq ja.

1 Reyes 20:34

Are uri ma Ben-adad xub'ij che: —Kintzalij kan i jalajuj taq tinimit chawe chi xuk'am kan inqajaw che aqajaw yet; xaq yet utz we ka'an ak'ay chila pa tinimit Damasco pacha ku'an te'eq inqajaw chila Samaria. Are uri ma Acab xub'ij: —Ru' i xab'ij le, yin kinya chawe kat-ek. Keje uri ile chi ma Acab xu'an jun trat ru' ma Ben-adad, rumali xuya che chi x-ek.

1 Reyes 20:30

I jub'an chik achiyab' xe'anmaj b'ik, xe'e pa tinimit Afec, xwiri i tapial nim uwach re i tinimit xtzaq li pkiwi i lajujwinaq wuqmo' oxchiy (27,000) achiyab' chi xkich'ij anmajik. Ma Ben-adad xaq x-anmajik, xupon chila pa tinimit le, chila xruwaj wi rib' chi taq ja.

AMÓS 6:4

Ixkotz'ol puwi i chomiq taq kotz'ib'al re marfil, lik kiya iwib' chu'anik i nimaq taq inima'ij i kitij ral taq chij xaq i me' ti'ojib';

ISAÍAS 8:4

Man chuxe'el are k'amaja ktiki i ak'al chub'ixkil tat xaq nan; i Damasco xaq i Samaria lik kjok nu b'i ni'pa o ku' xaq ronojel i ub'eyomal kk'am nu b'i che i ajawinel aj Asiria.

Ester 1:6

I uwaja le lik wiqtal ru' kortin saq xaq xar chi paqal rajil, ximtal upam ru' jalajuj taq yut'b'al lino chi púrpura ktzunik, chi ik'awsam chuxol i sotsaq ch'ich' saq-o'oj xaq tzayb'am che raqan ja chi re mármol. Xaq o kub'ib'al chi lik utz uxlanem chupam chi antal che an-o'oj xaq saq-o'oj, i uwach ulew kikojom ab'aj chi lik paqal rajil are i nácar xaq i mármol saq xaq eq.

Ester 7:8

Chrijil chik ile, i ajawinel xtzalij chik chila ipa xkitij wi kiwa, are uri xrilo chi ma Amán xukul chuxukut i tz'alam ipa kotz'ol wi ati ajawinel, are uri xsik'in chub'ixkil i tziji: —¿Xatab'a kawaj uqajsaxik u'ij ati ajawinel chi wachoch, xaq lik chinwach? I ajawinel are xuk'is ub'ixkil i tzij le, jujun chke i ajpatanib' chi kkichajij i ajawinel, xkich'uq upalaj ma Amán ru' jun k'ul. Are uri ma Harbona chi are jun chke achiyab' le, xub'ij: —I ma Amán uyijb'am jun jitz'b'al chila chi rachoch chi o kajlajuj xik'ab' che unajtil rij, chi xutaq uyijb'axik kamsab'al re ma Mardoqueo, chi are jun achi chi xuya utzijol chawe wach kak'ulmaj te'eq, Nim laj Winaq. Are uri i ajawinel xuya i taqaniki: —¡Chik'ama b'i ma Amán xaq chila chitzayb'a anoq!

Salmos 132:3

“Kinok ti chupam i chom laj wachoch, xaq kinkotz'i ti chwi inch'at che i uxlanem,

AMÓS 9:8

I Ajwal kril i tinimit ajmakunel, i kub'ij: Kinsachsaj uwach chwach i ulew, xwiri kinsachsaj ti uwach ronojel i rachoch ma Jacob. Yin in Ajwal, kinb'ij.

ISAÍAS 17:7

Che i ij le i winaq kkiya chik kib'a'wach chutaqexik i jun chi je anawnaq, chi are i Lo'laj Dios ke aj Israel.