AMÓS 2:5 - Wuj Pa K'ubultzij

⁵ Rumali kinkoj ni a' che i ulew Judá, i a' le kusachsaj ni kiwach i nimaq taq ja ke i ajawinelab' re i Jerusalén.”

AMÓS 2:5 Referans Kwoze

Oseas 8:14

I tinimit Israel kuyak ni nimaq taq ja ke ajawinelab', xwiri ksach ni chuk'ux i aj-anol re. I tinimit Judá kuyak ni nimaq taq tinimit chi lik sutim rij ru' tapial, xwiri yin kin-an ni chke chi kejar ni pa 'a i kk'is nu b'i kiwach i nimaq taq ja ke ajawinelab'.

JEREMÍAS 17:27

Xwiri yix we kixkojon ti che intaqanik, chi kiya i ij sábado chwe, xaq kikoj b'i eqan pa okb'al b'ik re i tinimit Jerusalén che i ij sábado, lik kinnak' a' uri che i okb'al re i tinimit Jerusalén, jun a' chi lik kujarsaj b'i i nimaq taq kachoch i ajawinelab' pa tinimit Jerusalén xaq mijun ktiki chuchupik i a' le.

JEREMÍAS 21:10

Man yin inch'ob'om chik uk'amik li i utz taj puk'exel i utz puwi i nim laj tinimiti. Kinjach ni pu'ab' i ajawinel re i tinimit Babilonia, ire lik kunak' ni a' che. Yin in Ajwal, xinb'iw ile.

JEREMÍAS 52:13

lik xunak' a' che i rachoch i Ajwal, che i nim laj rachoch i ajawinel xaq konojel i ja chi je o pa tinimit, xwiri lik nab'e xunak' a' chke i kachoch i winaq chi o ki'ij xaq etamam kiwach,

JEREMÍAS 39:8

Te'uri i aj Caldea xkinak' a' che i nim laj rachoch i ajawinel xaq chke i ja chi je o chila pa tinimit, xaq xkiwulijsaj i tapial re i Jerusalén.

2 Reyes 25:9

Are xupon pa nim laj tinimit Jerusalén, xunak' a' che i rachoch i Dios, che i nim laj rachoch i ajawinel xaq ronojel ni'pa i kachoch i winaq re i nim laj tinimit, xaq xk'at b'i kachoch konojel ni'pa nimaq kopis pa tinimit.

AMÓS 3:11

Rumali, keje iri kub'ij i Ajwal Dios: “Jun ajch'oj kusutij ni rij i nim laj tinimit, kuwulijsaj ni ronojel i tob'al awib' xaq kel-an b'i chupam i nimaq taq awachoch.”

AMÓS 3:15

Kinwulijsaj ni ja re i alaj xaq re i sa'ij, lik kinsachsaj ni kiwach i ja re marfil xaq keinwulijsaj ni i nimaq taq ja ke ajawinelab'.” I Ajwal xub'ij ile.

AMÓS 7:4

Iri are xuk'ut i Ajwal chwe: Xwilo chi xutaq li jun uyej chi lik are jun a' chi xuk'at b'i ronojel, xuchaqijsaj i nim laj mar chi lik cho upam xaq lik ktijin chuk'isik uwach ni'pa taq i es.

AMÓS 1:4

Rumali kinnak' ni a' che i nim laj rachoch i Hazael, xaq i a' le kuk'atsaj nu b'i i nimaq taq ja re Ben-adad.