AMÓS 1:4 - Wuj Pa K'ubultzij

⁴ Rumali kinnak' ni a' che i nim laj rachoch i Hazael, xaq i a' le kuk'atsaj nu b'i i nimaq taq ja re Ben-adad.

AMÓS 1:4 Referans Kwoze

JEREMÍAS 49:27

Kinnak' ni a' chke i tapial re i tinimit Damasco, i a' le kusachsaj ni i nim laj ja re i tinimit Ben-adad.”

JEREMÍAS 17:27

Xwiri yix we kixkojon ti che intaqanik, chi kiya i ij sábado chwe, xaq kikoj b'i eqan pa okb'al b'ik re i tinimit Jerusalén che i ij sábado, lik kinnak' a' uri che i okb'al re i tinimit Jerusalén, jun a' chi lik kujarsaj b'i i nimaq taq kachoch i ajawinelab' pa tinimit Jerusalén xaq mijun ktiki chuchupik i a' le.

2 Reyes 13:25

Are uri ma Joás, chi uk'ojol ma Joacaz, xtiki chik chumajik i tinimit che ma Ben-adad chi xumaj che uqajaw chi ma Joacaz pa ch'oj. I ma Joás le, oxmul xtiki chuch'akik ma Ben-adad, rumali chi xtiki chik chumajik k'iyal nimaq taq tinimit Israel.

2 Reyes 13:3

Rumali xpe roywal i Ajwal che i tinimit Israel, xeujach k'iyal junab' pu'ab' ma Hazael chi ajawinel re i tinimit Siria, xaq pu'ab' ma Ben-adad chi uk'ojol.

2 Reyes 6:24

Chrijil chik ronojel ile, ma Ben-adad, chi ajawinel re i tinimit Siria, xumol kichi' konojel i achiyab' chi je yij che i ch'oj, x-e chusutixik rij i tinimit Samaria chu'anik ch'oj chrij.

AMÓS 2:5

Rumali kinkoj ni a' che i ulew Judá, i a' le kusachsaj ni kiwach i nimaq taq ja ke i ajawinelab' re i Jerusalén.”

AMÓS 2:2

Rumali kinkoj ni a' che i ulew Moab, i a' le kusachsaj ni kiwach i nimaq taq ja ke ajawinelab' re Queriot; are kesik'in pa ch'oj xaq ru' taq uch'awb'al i trompeta, i aj Moab kekam na.

AMÓS 1:14

Rumali kinnak' ni a' che i tapial re i Rabá, i ru' i a' le kinsachsaj ni uwach i nimaq taq ja ke ajawinelab', che i ij re i ch'oj le lik kesik'inik, xaq ru' jun nim laj uch'awb'al jab' tew upam.

AMÓS 1:12

Rumal uri ile kinnak' ni a' che i Temán, xaq i a' le kuk'atsaj nu b'i nimaq taq ja re i Bosra.”

AMÓS 1:10

Rumali kinnak' ni a' che kitapial i aj Tiro, xaq i a' le kuk'atsaj nu b'i i nimaq taq ja ke ajawinelab'.”

AMÓS 1:7

Rumali kinnak' ni a' che i kitapial aj Gaza, xaq i a' le kuk'atsaj nu b'i i nim laj ja re i ajawinel.

Oseas 8:14

I tinimit Israel kuyak ni nimaq taq ja ke ajawinelab', xwiri ksach ni chuk'ux i aj-anol re. I tinimit Judá kuyak ni nimaq taq tinimit chi lik sutim rij ru' tapial, xwiri yin kin-an ni chke chi kejar ni pa 'a i kk'is nu b'i kiwach i nimaq taq ja ke ajawinelab'.

Ezequiel 39:6

Kintaq nu b'i a' puwi i Magog xaq pkiwi ni'pa i utz kkina pkik'aslemal chi je jeqel chi taq mar. Are uri kketamaj na chi Yin in Ajwal.

Ezequiel 30:8

Yin are kin-an na chi i tinimit kumaj a' i ksach kiwach konojel ni'pa kkito, are uri kketamaj na chi Yin in Ajwal.

SEGUNDO LIBRO DE CR%D3NICAS 16:2

Are uri ma Asa xuk'am ronojel i an-o'oj xaq i saq-o'oj chi o chupam i yab'al mer prachoch i Ajwal, xaq ni'pa o pa nim laj rachoch i ajawinel, xutaq b'i che ma Ben-adad, chi ajawinel pa tinimit Siria, chi jeqel chila pa tinimit Damasco. Xaq xutaq b'i ub'ixkil i tziji che:

1 Reyes 19:15

Are uri i Ajwal xub'ij che: “Chattzalij chik chila ipa xatpe wi pa tz'inilik jyub' chaqij Damasco. Chila chaya kan upatan ma Hazael re ajawinel puwi i tinimit Siria,

Jueces 9:57

Xaq keje ile xu'an i Dios chke i winaq aj Siquem rumal ronojel ni'pa utz taj chi xki'ano, are utz'aqatik uwach uk'oqonik i ma Jotam le, chi uk'ojol ma Jerobaal.