AMÓS 1:14 - Wuj Pa K'ubultzij

¹⁴ Rumali kinnak' ni a' che i tapial re i Rabá, i ru' i a' le kinsachsaj ni uwach i nimaq taq ja ke ajawinelab', che i ij re i ch'oj le lik kesik'inik, xaq ru' jun nim laj uch'awb'al jab' tew upam.

AMÓS 1:14 Referans Kwoze

AMÓS 2:2

Rumali kinkoj ni a' che i ulew Moab, i a' le kusachsaj ni kiwach i nimaq taq ja ke ajawinelab' re Queriot; are kesik'in pa ch'oj xaq ru' taq uch'awb'al i trompeta, i aj Moab kekam na.

JEREMÍAS 49:2

Rumali, Yin in Ajwal, kinb'ij: Kuriqa ni ij chi kin-an che i tinimit Amón aj Rabá chi kuta i sik' re i ch'oj; lik k-on ni pacha jun tinimit wulijnaq, xaq kiwinaq chi je jeqel chwach, kejuluw ni pa a'. Are uri tinimit Israel kuyak chik utinimit. Yin in Ajwal, xinb'iw ile.

Deuteronomio 3:11

I ma Og le lik xwi te'eq ire kanajnaq kan chke konojel aj Refaim. Ire le lik naj rij man uch'at lik keb' xik'ab' ru' nik'aj raqan xaq jun xik'ab' ru' keb' ripaj ab'aj uwach i uch'at le lik ch'ich'. I ch'at le k'a o chila pa tinimit Rabá chi kitinimit aj Amón.

ISAÍAS 30:30

I Ajwal kuya na chi ktataj i nim laj uch'awb'al xaq kujeq ni uk'utik ucho'ab', chi k-on ni nim laj roywal chi lik xib'rikil, ru' nim laj urep a' chi kk'atanik, ru' uch'awb'al ray, ru' nimaq taq jab' xaq ru' saqb'ach.

2 Samuel 12:26

I ma Joab xu'an ch'oj chrij i tinimit Rabá chi ukwenta kulew aj Amón, are ya ktiki chuk'amik i saqil laj tinimit re i ajawinel,

ZACARÍAS 7:14

Rumali xeinkichersaj b'i pa nimaq taq tinimit chi ike keta'am ti kiwach pacha jun kaqsut tew, chkij kan ike xkanaj i tinimit tz'inilik chi lik mijun winaq kjeqi chik chwach. ¡Jun chom laj tinimit, xwiri ike xki'an kan tz'inilik jyub' chaqij che!”

Daniel 11:40

Are kuriq i k'isb'al ij, i ajawinel re pa wiqab' ku'an ni ch'oj chrij i ajawinel re pa moxab'; xwiri ire kel nu b'i chuk'ulaxik chi pacha taq jun tew jab', ktzaq ni puwi i wiqab', chi lik knoj ni i tinimit che i ch'ich' re i ch'oj, ajch'oj rij taq kaway xaq uk'iyal taq barco.

Ezequiel 25:5

Kin-an ni che i jyub' Rabá chi kik'ijib'al taq kamey, i tinimit Amón che jun ta'aj re kiwayb'al chij. Are uri kiwetamaj ni yix chi Yin in Ajwal.

ISAÍAS 9:5

I upok'owik kixajab' chi nimaq uwi ke i achiyab' chi je yij che i ch'oj xaq i ki'u' chi tz'itajnaq rumal i kik' lik kporox na xaq kchup ni uwach pa a'.

Salmos 83:15

¡Keje koqtaxik ile cha'ana ru' i jab' tew upam xaq lik cheaxib'ij ru' akaqsut!

Job 39:25

Are kch'aw i trompeta, ire lik ru' nim laj roywal kula' uwach; lik k'a naj o wi, xwiri lik kusiq ruxlab' i ch'oj, kuta i taqanik re ujeqik i ch'oj xaq uk'iyal sik' ke ajch'oj.

2 Samuel 11:1

Xuk'ulmaj jun ij chi are xjeqan i sa'ij, chi are ij ile chi konojel i ajawinelab', arewi ke'e chu'anik ch'oj, i ma David xutaq b'i ma Joab junam ku' i rajpatanib' xaq konojel i achiyab' aj Israel chi je yij che i ch'oj, xekikamsaj aj Amón xaq xkisutij rij i tinimit Rabá. Xwiri ma David o kan chila pa tinimit Jerusalén.

PRIMER LIBRO DE CR%D3NICAS 20:1

Chukab' junab', chi are i ij ke'el i ajawinelab' chu'anik ch'oj, i ma Joab xeuyijb'a jub'an achiyab' chi je yij che i ch'oj, xe'e chuchupik kiwach aj Amón. Te'uri x-e chusutixik rij i tinimit Rabá, xwiri ma David o chila Jerusalén. I ma Joab xok b'i pa tinimit Rabá xaq xuwulijsaj ronojel i tinimit le.

JEREMÍAS 23:19

I roywal i Ajwal, keje pacha jun jab' tew upam, pacha jun tew chi lik kjuk'uk' upam, chi kujuk'uk'ej rib' pkiwi itzel laj taq winaq.

Ezequiel 21:20

Cha'ana jun b'e, ipa kik'aw wi i ajawinel ru' uch'ich' chi k'ulala o uware. I tinimit are iri: Rabá chi je aj Amón xaq i tinimit Jerusalén, chi sutim rij ru' tapial nim uwach re i Judá.

Ezequiel 21:22

Che u'ab' wiqab'im xel wi ch'ab' chi kuk'ut pa Jerusalén, ile ke'eloq chi ku'an ch'oj chrij ru' ch'ojb'al xaq taqanik che i kamsanik, sik'inik re i ch'oj, keuwulijsaj uchija, kyijb'ax jun elb'al b'ik keje ile kkisutij rij ronojel.

Ezequiel 25:7

Rumali kinyak in-ab' chiwij re yab'al utojb'alil imak xaq kixinjach chke i nimaq taq tinimit, keje ile kkimaj chiwe ni'pa taq o iwu'. Lik kixwesaj na li pa taq tinimit, kinsachsaj iwach pa nimaq taq tinimit, lik kinsachsaj iwach iwonojel. Keje ile kiwetamaj na chi Yin in Ajwal.

2 Samuel 12:31

I winaq chi xek'asi kanoq, xeresaj b'i chila, xeutaq pa chak ru' ch'ich' elsab'al tz'alam, ru' pa'b'al ulew xaq ru' ikaj, xaq i jub'an chik, xeutaq chuporoxik i ral taq xan. Xaq keje ile xu'an chke konojel i tinimit Amón, chrijil chik ile, xtzalij b'i pa Jerusalén junam ku' i achiyab' chi je yij che i ch'oj.

Ezequiel 21:25

Yet, ajawinel re Israel, chi lik at itzel laj ajkamsanel, ya kk'un i ij chi kya' i k'isb'al utojb'alil chawe.