AMÓS 1:1 - Wuj Pa K'ubultzij

¹ Iri are i utzijonik ma Amós, ajyu'ul chij aj pa tinimit Tecoa, xya' che rumal i Dios chrij i tinimit Israel, che i keb' junab' chuxe'el kab'raqan, che rajawinik i ma Uzías, ajawinel re Judá, xaq re i ma Jeroboam, chi uk'ojol ma Joás, ajawinel re Israel.

AMÓS 1:1 Referans Kwoze

ZACARÍAS 14:5

i yix kix-anmaj nu b'i chwach i uwa ta'aj chi kkanaj chkixol i keb' jyub', chi kupon ni k'a pa Azal, chila ch'aqap. Kix-anmaj ni yix keje pacha xki'an iwatit imam ujer rumal kab'raqan chi xik'awik are krajawin i ma ajawinel Uzías pa Judá. I kk'un ni Wajwal Dios rachi'ilam li konojel i suk'ul laj taq uwinaq.

AMÓS 7:14

Xwiri i ma Amós xula' uwach che: Yin in profeta taj, xaq lik kwaj ti u'anik. Kinch'ak ink'aslemal chkichajixik i chij xaq chumolik higo aj pa taq es,

JEREMÍAS 6:1

¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.

SEGUNDO LIBRO DE CR%D3NICAS 20:20

Chukab' ij lik we' xkimaj b'i kib'e pusuk' i tz'inilik jyub' chaqij Tecoa. Are xkimaj tan b'i kib'e, i ma Josafat xtak'i an chub'ixkil iri chke: “Lik chinita yix aj Jerusalén xaq yix aj Judá: Lik chikub'a ik'ux che Iwajwal Dios keje ile lik kk'iji ni ukowil ik'ux; chikub'a ik'ux chke i profeta man keje ile is utz kixel ru' ronojel.”

SEGUNDO LIBRO DE CR%D3NICAS 11:6

Xukowij rij i jalajuj taq tinimiti ru' tapial nim uwach: Belén, Etam xaq i Tecoa,

1 Reyes 19:19

I ma Elías xel chila ipa o wi te'eq, are uri xuriqa ma Eliseo chi ktijin chutukik uwach ulew. Je nab'e kab'lajuj yunt b'oyexab' chwach, ire teren b'i chkij i k'isb'al yunt b'oyexab'. Ma Elías xtejeb' pan ru' xaq xulik' u'u jurjik chrij.

2 Samuel 14:2

are uri xutaq uk'amik jun saqlej laj ixoq chi jeqel pa tinimit Tecoa, xub'ij che: “Lik cha'ana che awib' chi lik katb'ison che jun kamnaq, chakojo a'u' re b'is xaq makoj kunb'al muy chawij man keje ile kak'utb'ej chi lik ujer tan katb'ison che i kamnaq le.

JEREMÍAS 1:1

Utzij xaq u'anoj ma Jeremías, chi uk'ojol ma Hilcías. I ma Jeremías kikwenta i alk'uwal chi je ajsujul sipon chi je jeqel pa tinimit Anatot, pa kulew utzob'ajil ma Benjamín.

ISAÍAS 1:1

Tzijonik re i Ajwal chi xub'ij ma Isaías uk'ojol ma Amoz, ile xb'ix che rumal i Dios chupam jun ilik pa wachij wach kuk'ulmaj i tinimit Judá xaq i Jerusalén che taq i ij re rajawinik ma Uzías, ma Jotam, ma Acaz xaq i ma Ezequías chila pa Judá.

2 Reyes 14:23

Che i jo'lajuj junab' rajawinik ma Amasías, chi uk'ojol ma Joás, chi ajawinel re i tinimit Judá; ma Jeroboam, chi uk'ojol ma Joás, chi ajawinel re i tinimit Israel, xujeq ajawinik pa tinimit Israel. Xrajawin jun kawinaq (41) junab' chila Samaria.

1 Corintios 1:27

Ni'pa i to' je re uwach i jyub' ta'aj, ike kkib'ij chi yix nti ino'oj. Xwiri i Dios ix ucha'om yix yab'al kik'ix i jub'an chi nimaq kino'oj. Ix ucha'om yix chi nti icho'ab' yab'al kik'ix i jub'an chi o kicho'ab'.

Miqueas 1:1

Iri are i tzijonik chi Ajwal xub'ij che ma Miqueas re i tinimit Moreset chi xaq xuk'ut che puwach chrij i tinimit Samaria xaq i tinimit Jerusalén, che taq i ij chi ma Jotam, ma Acaz xaq ma Ezequías kerajawin pa tinimit Judá.

Oseas 1:1

Iri are i tzijonik chi xub'ij i Ajwal che ma Oseas chi rak'al i ma Beeri che taq i ij re ajawinik re i ma Uzías, ma Jotam, ma Acaz xaq ma Ezequías, ajawinelab' re i tinimit Judá, xaq che taq i ij re ma Jeroboam, rak'al i ma Joás, ajawinel re i tinimit Israel.

2 Reyes 14:21

Are uri konojel i tinimit Judá xkiya kan a Azarías pa ajawinel puk'exel uqajaw chi ma Amasías. I Azarías le are jun ala chi waqlajuj junab' o che.

JEREMÍAS 7:27

Yet, ma Jeremías, chab'ij ronojel i b'iroxiki, tupu kkikoj ti retalil chawe, chatsik'in chub'ixkil chke tupu kkila' ti uwach chawe.

ÉXODO 3:1

O jun ij are ktijin ma Moisés chkiyu'uxik uchij uqajaw uji', chi ma Jetro ajsujul sipon chwach i tiox re i tinimit Madián, i ma Moisés le xeuk'am b'i chij k'a ch'aqap che i tz'inilik jyub' chaqij; xupon k'a pa Horeb chi are i jyub' re i Dios.

Mateo 4:18

Che taq i ij le, are ktijin i Jesús che i b'e chuchi' i semelik ya Galilea, xeril keb' achiyab', katz kicha' kib'. I jun are i ma Simón chi xaq ma Pedro kkib'ij che; i jun chik are i ma Andrés. Ike le je ajchapol kar, xaq ketijin chuk'aqik i kataraya pa ya.

JEREMÍAS 28:8

I profeta chi xek'iji ujer, chuxe'el li qalaxik yoj awu', xkitzijoj i ch'oj, jalajuj taq k'ax xaq k'ax laj taq yob'il pkiwi i nimaq taq rajawinik xaq pkiwi tinimit chi lik o ki'ij.