ABDÍAS 1:9 - Wuj Pa K'ubultzij

⁹ I achiyab' chi je yij che i ch'oj re Temán lik kesiksat ni rumal i kixib'rikil, chwi taq jyub' re ma Esaú, lik mijun kk'asi kanoq.

ABDÍAS 1:9 Referans Kwoze

AMÓS 1:12

Rumal uri ile kinnak' ni a' che i Temán, xaq i a' le kuk'atsaj nu b'i nimaq taq ja re i Bosra.”

Ezequiel 25:13

Rumali Yin in Ajwal, kinb'ij: Kinyak ni in-ab' chrij i tinimit Edom re kinya utojb'alil umak, kinsach ni kiwach uwinaq xaq uchikop. Lik kinsach kiwach. Kjeqan b'i ru' i tinimit Temán k'a keuk'isa che i tinimit Dedán, konojel i winaq kekamsax ni ru' ch'ich' chi k'ulala o uware.

JEREMÍAS 49:22

I ajch'oj chrij kuk'aq ni rib' chrij i Bosra pacha jun kotxik kripip uxik', che i ij le i achiyab' chi je yij che i ch'oj re Edom kesiksat na pacha jun ixoq are kalanik.

GÉNESIS 36:11

I rak'al ma Elifaz je are a Temán, a Omar, a Zefo, a Gatam xaq a Cenaz.

JEREMÍAS 49:20

Chita i ch'ob'onik chi Yin in Ajwal, inyijb'am chrij i tinimit Edom, i anik chi xaq inyijb'am chkij i winaq aj Temán: Xwi ta la ile, xaq kek'am nu b'i i ral taq chij ch'utiq, xaq ronojel ipa ke'esan wi ksachsax ni uwach.

JEREMÍAS 49:7

Utzijonik i Ajwal chi ronojel ktiki che chkij aj Edom: Lik nti chik no'oj pa Temán. Lik nti chik kkiriq u'anik i je b'iw. Lik xsach uwach i kinojb'al.

Job 2:11

I ma Job je o oxib' ramiy chi je are ma Elifaz chi kpe che i ulew Temán, ma Bildad chi kpe che i ulew Súa xaq ma Zofar chi kpe che i ulew Naamat. Ike le xketamaj wach taq xuk'ulmaj ma Job, xe'e chusolixik yab'al ukowil uk'ux, xaq kikachnimaj ma Job rumal i k'ax chi o che.

ABDÍAS 1:21

Ke'el nu b'i ajch'akanel puwi i jyub' Sion re kki'at tzij chkij i je o puwi i jyub' re ma Esaú, i are ni Ajwal krajawinik.

AMÓS 2:16

Che i ij le, tupu i jun chi lik mas ko uwach chke i ajch'oj, kuk'aq ni kan uch'ojb'al, man keje ile k-anmajik.” I Ajwal xub'ij.

PRIMER LIBRO DE CR%D3NICAS 1:45

Are xkam ma Jobab xkanaj kan ma Husam puk'exel, chi aj Temán.

NAHUM 3:13

I awinaq chi je yij che i ch'oj lik pacha taq chik je ixoqib', i k'iyal taq uchija re i tinimit lik je jaqal chik chkiwach i je ajch'oj man i a' lik usachom chik uwach i silik' ke i uchija.

Deuteronomio 2:5

mi'an ch'oj chkij man Yin lik kinya ti jub'i' iwe che ulew le, man i jyub' Seir lik ke i je umuq uxikin ma Esaú, Yin xinyaw chke ike le.

ABDÍAS 1:5

“We kek'un taq ili'omab' awu' cha'ab' pa el-anik, kkik'am tu b'i ronojel; we xaq kek'un ajmolol uva kkiya kan keb' oxib' ch'uyaj. Xwiri i je ajch'oj chawij, lik kiqajsam a'ij.

Habacuc 3:3

I Dios kpe che i ulew Temán; che utzam jyub' Parán kpe wi i Lo'laj Dios. I uchomalil klik'taj b'i chwach ronojel i kaj, i ronojel uwach i jyub' ta'aj knoj che ub'ix.