ABDÍAS 1:6 - Wuj Pa K'ubultzij

⁶ ¡Lik xel-ax b'i ub'itaq awe ma Esaú! ¡I ub'itaq awe chi awuwam chi o u'ij i lik k'ax kana'o xel-ax b'ik!

ABDÍAS 1:6 Referans Kwoze

JEREMÍAS 49:10

Xwiri yin lik nti o xinya kan che i utinimit ma Esaú, xwetamaj pa kkuwaj wi kib' rumali kkiriq ti chik jun k'ijib'al ipa kkuwaj wi kib'. I kak'al, kachlal xaq i kib'esin, konojel xk'is kiwach; Mijun xkanaj kanoq we kub'ij taq:

Salmos 139:1

Ajwal, a'anom jun ilb'al re chwe xaq lik aweta'am inwach;

Daniel 2:22

Ire kuya retamaxik i nimaq taq b'iroxik chi uwam uwach; reta'am wach o pa equm, man utzunb'al i saq ru' Ire o wi.

JEREMÍAS 50:37

¡I ch'oj chkij i achiyab' chi je yij che i ch'oj: Cheb'arb'at rumal i xib'rikil! ¡I ch'oj chkij i kikaway xaq chkij i kich'ich' re b'inb'al! ¡I ch'oj chkij i achiyab' chi je yij che i ch'oj chi je aj naj: Chetzalijoq pacha taq je ixoqib'! ¡I ch'oj chkij i ub'itaq ke chi lik o u'ij, xaq che'el-ax ni chke!

ISAÍAS 45:3

Yin kinjach ni b'eyomal chawe chi uwam, b'eyomal chi k'oltal che i k'ijib'al chi etamam taj, man keje ile kawetamaj chi yin in Ajwal, in Dios ke aj Israel, chi katusik'ij ru' ab'i.

ISAÍAS 13:16

Lik chkiwach kexa' ni kak'al chwach ulew chi k'a je ch'utiq, lik kjok nu b'i upam kachoch chke xaq i kixoqil lik kechap ni pa cho'ab'.