ABDÍAS 1:4 - Wuj Pa K'ubultzij

⁴ Tupu katel b'i k'a naj chikaj pacha i kotxik tupu ka'an asok chuxol taq ch'umil, lik k'a chila na katink'aq wi loq.” I Ajwal kub'ij.

ABDÍAS 1:4 Referans Kwoze

Habacuc 2:9

¡To' awach yet chi anojsam awachoch ru' awel-anik, re tob'al awib' chwach i k'ax!

AMÓS 9:2

tupu kkuwaj kib' k'a chuxe' li ulew, lik chila kewesaj na loq; tupu ke'el b'i naj chikaj, chila na keinqajsaj na loq.

JEREMÍAS 49:16

Xaya awib' chi xatt'ortaj rumal ukojik a'ij, man lik nim i xib'rikil kaya te'eq. Yet chi at jeqel pa taq pek ab'aj, chi uchapom rib' che i nimaq taq jyub'. Xwiri tupu pacha at kotxik chi ku'an usok chwi taq jyub' naj uwi, chila katinqajsaj wi loq. Yin in Ajwal, xinb'iw ile.

JEREMÍAS 51:53

Tupu i tinimit Babilonia kel b'i k'a chikaj re kukoj u'ij xaq kukub'a li ucho'ab' chila, lik nti k-ono man k'a chila na kintaq nu b'i i ajch'oj chrij re kusachsaj uwach. Yin in Ajwal, xinb'iw ile.”

ISAÍAS 10:14

Inya'om in-ab' puwi kib'eyomal i tinimit, inya'om wib' puwi ronojel ulew, pacha jun winaq chi kuk'am jub'an saqmol chi o'tam kan chupam usok jun tz'ikin, nti jun xyinaw uxik' xaq nti jun xjaqaw kitzok' man kech'awik.