2 Samuel 8:3 - Wuj Pa K'ubultzij

³ I ma David le xaq xuch'ak ma Hadad-ezer chi uk'ojol ma Rehob chi ajawinel pa tinimit Soba, kraj te'eq ire chi krajawin chik puwi i k'ijib'al ipa o wi i raqana Éufrates.

2 Samuel 8:3 Referans Kwoze

1 Samuel 14:47

Keje uri ile chi ma Saúl xkub'i kan chu'atik tzij pkiwi aj Israel, lik xeuch'ak i ajch'oj chrij chi je are: Aj Moab, aj Amón xaq aj Edom; i ajawinel re i tinimit Soba xaq ku' konojel aj Filistea. Xaipa k-e wi lik arewi kch'akanik.

2 Samuel 10:19

Are xkil konojel i ajawinelab' chi kiya'om kiwach ru' ma Hadad-ezer chi xech'akan aj Israel, are uri konojel ike xkichomaj kib' ku' aj Israel xaq xekanaj kan pki'ab' aj Israel. Lik che uri i ij le konojel aj Siria lik xkixij kib' xaq xekito ti chik aj Amón.

2 Samuel 10:16

Are uri ma Hadad-ezer, xutaq kik'amik aj Siria chi je o chila ch'aqa ya Éufrates, are uri ike le xeupon chila pa Helam. Are ma Sobac nab'e chkiwach man are ire aj-atzil chke achiyab' chi je yij che i ch'oj re ma Hadad-ezer.

PRIMER LIBRO DE CR%D3NICAS 18:3

I ma David xaq xuch'ak ma Hadad-ezer, chi ajawinel re i tinimit Soba, chi o pusuk' i tinimit Hamat, are enam re chumajik i ulew chi o chi raqana Éufrates.

2 Samuel 10:6

I aj Amón xkinab'ej chi ma David lik xpe roywal chke, rumali xkitoj lajujmo' kachiy (20,000) achiyab' chi je yij che i ch'oj aj Siria, aj Bet-rehob xaq aj Soba, xaq xkitoj lajujwinaq kamo' (1,000) achiyab' che i ajawinel chi o chila Maaca xaq lajujmo' juchiy (12,000) aj Is-tob.

Salmos 72:8

¡Chrajawin ni pkiwi i winaq chi kejeqan b'i chuchi' i mar jewa, kupon kichi' k'a chuchi' i mar jela, xaq kjeqan b'i chuchi' i raqana Éufrates kupon k'a pa k'isb'al rokrik re uwach i jyub' ta'aj!

Salmos 60:1

Rumal awoywal, Ajwal Dios, xojawo'taj kanoq, xa'an ch'aqa taq chqe; ¡wo'or chaya chik qacho'ab' chqe!

1 Reyes 4:21

Ma Salomón lik nim u'ij chkiwach konojel xaq lik are ire ajawinel pkiwi konojel i jalajuj taq tinimit chi je o chila che i raqana Éufrates k'a kupon che kulew aj Filistea, xaq kupon k'a chuchi' kulew i aj Egipto. Ike le lik xek'iji pu'ab' ma Salomón xaq xkitoj alkawal che tz'aqat k'a k'aslik.

Deuteronomio 11:24

Ipa kixik'aw wi lik chila kkanaj ni i uchi' iwulew pi'ab' yix; kjeqan b'i che i tz'inilik jyub' chaqij, kupon k'a che i ulew Líbano xaq kjeqan chub'i uchi' che i raqana Éufrates, kupon k'a chuchi' i mar Mediterráneo.

ÉXODO 23:31

Uchi' itinimit kjeqan b'i chuchi' i Mar Kaq, kupon k'a chuchi' i Mar ke aj Filistea kjeqan chali uchi' pa tz'inilik jyub' chaqij kupon k'a chuchi' i raqana Éufrates, man ni'pa je o chwach ulew le keinjach ni pi'ab', yix keiwesaj nu b'ik.

GÉNESIS 15:18

Che i ij le, i Ajwal xu'an jun trat ru' ma Abram, xub'ij che: —Chke amuq axikin kinya wi ulewi, kjeqan li chi raqana Egipto kk'is k'a che i nim laj raqana Éufrates:

2 Samuel 10:15

I aj Siria are xkina ub'e chi xech'ak kumal aj Israel, xkimol chik kib'.

2 Samuel 23:36

ma Igal, chi uk'ojol ma Natán, chi aj Soba; ma Bani, chi aj Gad;

SEGUNDO LIBRO DE CR%D3NICAS 8:3

Te'uri x-e chu'anik ch'oj chkij i winaq aj Hamat chi ukwenta i tinimit Soba, xaq xuk'am kan i tinimit le.