2 Samuel 7:9 - Wuj Pa K'ubultzij

⁹ Lik xatwachnimaj xaipa xat-e wi, xinchup kiwach konojel i je awajch'oj chi xki'an ch'oj awu', xaq lik inya'om a'ij pacha i winaq chi o ki'ij chi chwach i jyub' ta'aji.

2 Samuel 7:9 Referans Kwoze

2 Samuel 5:10

U'ij ma David ij ij ktijin unimarik, xaq i Ajwal Dios chi ronojel ktiki che, lik o ru' ire.

PRIMER LIBRO DE CR%D3NICAS 17:8

Lik at wachnimam xa'ipa at enaq wi, inchupum kiwach konojel i je ajch'oj chawij xaq lik inya'om a'ij pacha i winaq chi o ki'ij chwach i jyub' ta'aj.

2 Samuel 8:6

Te'uri ma David xukoj chajal pa tinimit Siria chi ukwenta i Damasco, are uri aj Siria xekanaj kan pu'ab' ma David xaq xe'ok chutojik alkawal che. Keje uri ile chi Ajwal kuya i ch'akanik che ma David xaipa k-e wi.

1 Samuel 18:14

I Ajwal lik kuto a David rumali ronojel ni'pa i ku'ano lik kel utz ru'.

2 Samuel 8:14

Chrijil chik ile, te'uri xukoj chajal pa ronojel ulew Edom, are uri konojel i winaq chi aj Edom le xekanaj kan pu'ab' ma David. I Ajwal arewi kuya i ch'akanik che ma David xa'ipa k-e wi.

GÉNESIS 12:2

Kin-an ni jun nim laj tinimit chke amuq axikin, kinya ni utzil chomal pawi; i ab'i xaipa na kkuxtax wi, xaq at utzil chomal na chke jub'an chik winaq.

Lucas 1:52

Ire resam i nimaq taq ajawinelab' pa kikub'ib'al chi o u'ij; i ni'pa i nti ki'ij, ire xuya ki'ij.

Salmos 89:23

Kin-an ni tz'ajtz'ik chke i ajch'oj chrij, kewesaj ni chwach xaq kin-an ni k'ax chke ni'pa i ktitat kipam che.

2 Samuel 22:30

Ru' atob'al, yin kin-an ni ch'oj chrij i ajch'oj chwij xaq kinik'aw ni puwi i tapial nim uwach chi sutinnaq chrij kitinimit.

1 Samuel 2:8

I Ajwal kresaj li nib'a'ib' puk'aj ulew, xaq kresaj li ktz'onow mer pa k'aqb'al tz'il man kk'iji ni chkixol i winaq chi o ki'ij; xaq kukub'a ni che jun k'ijib'al chi o u'ij man i Ajwal are ire rajaw uxeb'al ulew xaq puwi uxeb'al le xukub'a wi jyub' ta'aj.

2 Samuel 22:1

I ma David xub'ixaj i b'ixi kojb'al u'ij i Ajwal are xelsax pu'ab' ma Saúl xaq pki'ab' konojel i ajch'oj chrij.

1 Samuel 31:6

Keje kikamik ma Saúl ile che taq i ij le, xkam ire, xekam oxib' uk'ojol, xkam i ajtol re xaq xekam konojel uwinaq.

1 Samuel 5:10

Are uri i aj Filistea xkik'am b'i lo'laj ukaxa i Dios chila pa Ecrón, xwiri i winaq aj Ecrón le xesik'in rumal kixib'rikil xkib'ij: “¡Xkik'am li kaxa re ki-Dios aj Israel qu' kamsab'al qe qonojel!” Xecha.

2 Samuel 8:13

Ma David lik xnimar u'ij. Are xtzalij li chkich'akik aj Edom, je jo'mo' kachiy (18,000) xtiki chke chila chwa “Ta'aj chi Atz'am” ub'i.

2 Samuel 23:1

Iri are k'isb'al taq utzij ma David: Ma David, chi uk'ojol ma Isaí, i achi chi xnimarsax u'ij rumal i Dios, chi are i ajawinel ultal rumal u-Dios ma Jacob chi xaq are jun ajb'ix chi lik chom kb'ixanik ke aj Israel, keje iri usaqim:

JOSUÉ 6:27

I Ajwal xro'taj ti ma Josué xaq lik xnimarsax u'ij chila che i ulew le.

1 Samuel 18:30

Xaq kuk'ulmaj chi are kki'an ch'oj ku' aj Filistea arewi a David lik kch'akan che i ch'oj chkiwach i jub'an chik rajpatanib' ma Saúl. Rumal ile lik konojel i winaq xkinimarsaj u'ij a David.

2 Samuel 22:43

¡Xin-an k'ajk'aj chke pacha taq uk'aj i ulew! ¡Xaq xeinya'ya che aqan pacha i xo'ol chi o pa taq b'e!

Salmos 21:6

Aya'om utzil chomal puwi ronojel ij saq; anojsam che i kikotemal man lik at o ru'.