2 Samuel 6:2 - Wuj Pa K'ubultzij

² Xe'el chila pa Baala chi ukwenta ulew Judá ku' konojel achiyab' chi je yij che i ch'oj chi je rachnimam, i ma David xuch'ob' relsaxik b'i ukaxa i Dios chila, chi chwach i kaxa le ktz'onox wi xaq koksax wi u'ij i Ajwal chi ronojel ktiki che, chi o ukub'ib'al chi o u'ij pkiwi i querubin.

2 Samuel 6:2 Referans Kwoze

1 Samuel 4:4

Are uri aj Israel le xekitaq b'i jutzob'aj achiyab' pa Silo, chuk'amik i kaxa re utrat i Ajwal chi ronojel ktiki che, chi o ukub'ib'al chi o u'ij chkixol i querubin. A Ofni xaq i a Finees, chi je uk'ojol ma Elí, xkachnimaj li kaxa re utrat i Ajwal.

Salmos 80:1

Yet ajyu'unel ke aj Israel, chi kawok'aj ma José pacha jun chij, chi o akub'ib'al o u'ij pkiwi i querubín, ¡chatatb'ej! Lik utz ilik cha'ana i ma Efraín,

1 Samuel 7:1

Are uri xeupon i winaq aj Quiriat-jearim chuk'amik i lo'laj ukaxa i Dios, xkik'am b'i chi rachoch ma Abinadab chi o rachoch puwi jun jyub'. Chila xki'ul wi a Eleazar chi uk'ojol ma Abinadab man kuchajij i lo'laj ukaxa i Dios.

1 Pédro 1:12

Xwiri i Dios xub'ij chke chi ike kkil tu b'i uk'unik, are ni yix kiwilo, man lik iwe ni yix. Man wo'or lik xb'ix i utz laj tzij k'ak' chiwe, ru' i Lo'laj Utewal i Dios chi taqtal li chikaj. Iri are i b'iroxik chi i ángel lik kkaj neri kketamaj usuk'.

ISAÍAS 54:5

Man i Dios chi xat-anawik katuk'am na re rixoqil, i ub'i are Ajwal chi ronojel ktiki che, i kirol awe are i Lo'laj Dios ke aj Israel, chi are i Dios re ronojel uwach i jyub' ta'aj.

ISAÍAS 47:4

I ajtol qe, chi are i Lo'laj Dios ke aj Israel, chi ub'i are i Ajwal chi ronojel ktiki che, keje iri kub'ij:

JOSUÉ 15:60

Xaq i tinimit Quiriat-baal chi are i Quiriat-jearim, xaq i Rabá; keb' tinimit rachi'ilam ukomon.

2 Samuel 22:11

X-an b'i chrij jun querubín, xaq x-e rupupik; x-aljin chikaj are krupup pa tew.

1 Samuel 6:21

Are uri xkitaq b'i tziji chke aj Quiriat-jearim: “I aj Filistea xkitzalijsaj li lo'laj ukaxa i Dios, rumali chixpet chuk'amik.”

Salmos 99:1

¡I Ajwal Ire Ajawinel! ¡Cheb'arb'at ni i winaq re i nimaq taq tinimit. Ire o ukub'ib'al chi o u'ij pkiwi i querubín! Chyikyat ni ronojel uwach i jyub' ta'aj.