2 Samuel 5:4 - Wuj Pa K'ubultzij

⁴ Ma David o lajuj juwinaq (30) junab' che are xujeq ajawinik puwi i tinimit Israel, kawinaq (40) junab' xrajawin puwi i tinimit le.

2 Samuel 5:4 Referans Kwoze

Lucas 3:23

I Jesús, are xujeq uchak, kolo o chik lajuj juwinaq (30) junab' che. Ire, are uk'ojol i ma José kkib'ij i winaq. I ma José le, are uk'ojol i ma Elí.

PRIMER LIBRO DE CR%D3NICAS 29:27

Ire xrajawin pkiwi konojel aj Israel kawinaq (40) junab'. Wuqub' junab' xuch'ij pa tinimit Hebrón xaq oxlajuj juwinaq (33) junab' xuch'ij pa tinimit Jerusalén.

PRIMER LIBRO DE CR%D3NICAS 26:31

Are o chik kawinaq (40) junab' che rajawinik ma David, xk'am upam i wuj ipa je tz'ib'tal wi i jalajuj taq alk'uwalxelab' chi je umuq uxikin ma Hebrón, are uri xriqtajik chi chkixol ike le, je o achiyab' chi ko kiwach, je aj pa tinimit Jazer chi ukwenta i Galaad. I aj-atzil chke i je umuq uxikin ma Hebrón, are ma Jerías;

1 Reyes 2:11

I mam David le kawinaq (40) junab' x-on pa ajawinel pkiwi aj Israel; wuqub' junab' chila pa tinimit Hebrón xaq oxlajuj juwinaq (33) junab' chila pa Jerusalén.

PRIMER LIBRO DE CR%D3NICAS 3:4

I waqib' rak'al ma David le xealax chila pa tinimit Hebrón ipa xrajawin wi wuqub' junab' ru' waqib' ik'. Chrijil chik ile xrajawin oxlajuj juwinaq (33) junab' pa tinimit Jerusalén.

GÉNESIS 41:46

I a José o chik lajuj juwinaq (30) junab' che are xujeq chak ru' ma faraón chi ajawinel re i tinimit Egipto. Are xutzin uya'ik upatan a José le, are uri xu'ijla kan ma faraón te'uri su' xujeq usolixik ronojel ulew Egipto.

NÚMEROS 4:3

chakojo pajil ni'pa o chik lajuj juwinaq (30) junab' chke k'a che i lajuj kawinaq (50) junab' chi lik ketiki chu'anik i chak pa ja re riqb'al ib' ru' i Dios.