2 Samuel 4:5 - Wuj Pa K'ubultzij

⁵ I ma Recab xaq i ma Baana chi je uk'ojol ma Rimón chi aj Beerot, xe'e chi rachoch ma Is-boset; are xeuponik lik tij i ij, rumali i ma Is-boset uxlannaq tan jub'i' puwarb'al xaq oknaq li jub'i' uwaram.

2 Samuel 4:5 Referans Kwoze

SEGUNDO LIBRO DE CR%D3NICAS 25:27

I ma Amasías are xro'taj i Ajwal, jub'an achiyab' aj Jerusalén xkich'ob' ukamsaxik; are uri ire x-e chuto'ik rib' pa tinimit Laquis. Xwiri lik xkiterb'ej b'ik, xkimaja k'a che i tinimit le i chila xkikamsaj wi.

SEGUNDO LIBRO DE CR%D3NICAS 24:25

I aj Siria xetzalij b'ik, xwiri xki'an kan k'ax che ma Joás; i rajpatan ma Joás le xkich'ob' u'anik uk'exel che ma Joás le rumal xukamsaj uk'ojol ma Joiada, chi ajsujul sipon, are uri xkikamsaj chila puwi uch'at. Te'uri xkimuq putinimit ma David, xwiri chila taj ipa kemuq wi i ajawinelab'.

1 Reyes 16:9

Xwiri ma Zimri, chi aj-atzil puwi nik'aj chke i ch'ich' re anb'al ch'oj, xuwalijsaj jun ch'oj chrij ma Ela. Xuk'ulmaj jun ij, chi ma Ela le xu'an jun nim laj ab'arik chila pa tinimit Tirsa, prachoch i raj-atzil chi rachoch i ajawinel chi ma Arsa ub'i.

2 Samuel 11:2

Che jun uqajb'al ij, i ma David xwalij b'i chwi uch'at, x-e pa malkatik puwi i nim laj rachoch ire. Are uri xril jun chom laj ixoq chi ktijin chatinem. I ma David xutaq utz'onoxik pachin taq ixoq le, are uri xb'ix che chi are ati Betsabé, chi umi'al ma Eliam, chi xaq rixoqil ma Urías chi aj Het. Ati Betsabé k'a te kujos-ij rib' man xk'is rik'il; are uri ma David xeutaq b'i jub'an achiyab' chuk'amik ati Betsabé, are xuponik, xumin rib' ru', chrijil chik ile, te'uri ixoq le x-e chi rachoch.

2 Samuel 2:8

Ma Abner, chi uk'ojol ma Ner, chi aj-atzil chke achiyab' chi je yij che i ch'oj re ma Saúl, xuk'am b'i a Is-boset chi uk'ojol ma Saúl pa tinimit Mahanaim,

SEGUNDO LIBRO DE CR%D3NICAS 33:24

I je nimaq taq rajpatanib' xkich'ob' ukamsaxik ire, lik xkikamsaj chila pa nim laj rachoch.

2 Samuel 4:2

Je o keb' achiyab' chi kki'an kipatan chrij ma Is-boset, ike le je aj-atzil chke jutzob'aj ili'omab'. I jun are ma Baana xaq i jun chik are ma Recab; chekeb' je uk'ojol ma Rimón aj Beerot chi xaq umuq uxikin ma Benjamín. Man i winaq chi aj pa tinimit Beerot kb'ix chke chi je ukwenta utzob'ajil ma Benjamín.