2 Samuel 4:1 - Wuj Pa K'ubultzij

¹ I ma Is-boset chi uk'ojol ma Saúl, are xretamaj chi ma Abner xkam chila pa tinimit Hebrón, lik xqaj uk'ux xaq konojel aj Israel lik xkixij kib'.

2 Samuel 4:1 Referans Kwoze

Esdras 4:4

Are uri i winaq chi aj Israel xki'an kichak chuqajsaxik kik'ux i winaq aj Judá man keje ile kkimayij uyakik i rachoch i Ajwal.

ISAÍAS 13:7

Are uri konojel i winaq chwach i jyub' ta'aj kkiya ni che kiteleb' kqajik, konojel kqaj ni ukowil kik'ux,

JEREMÍAS 6:24

I winaq pa tinimit Jerusalén kkib'ij: “Qatom i tzijonik xaq i xib'rikil u'anom chqe chi nti chik qacho'ab'; lik kqana uk'axk'olil xaq i uyej, pacha jun ixoq are kalanik.

SOFONÍAS 3:16

Che taq i ij le kb'ix ni che i Jerusalén: “¡Maxij awib' tinimit Sion, xaq maya chke a'ab' chi kk'is kicho'ab'!”

JEREMÍAS 50:43

I ajawinel re Babilonia, are xuta i tzijoniki, lik xsikir rumal uxib'rikil, xaq lik kuna i b'is xaq i k'ax pacha uk'axk'ol kuna jun ixoq are kalax rak'al.

ISAÍAS 35:3

Chiya kicho'ab' ni'pa i nti kicho'ab', chiya ukowil kik'ux ni'pa je kosnaq.

NEHEMÍAS 6:9

Man ike kkaj te'eq kojkixib'ij, ike xkich'ob'o chi yoj kqaj qak'ux xaq kqamayij i chak; xwiri yin xa mas xinkowij ink'ux chu'anik i chak.

2 Samuel 17:2

Are nti chik ucho'ab' xaq lik kosnaq chik, are uri yin kinchap na, kinxib'ij na xaq konojel i winaq chi je o ru', ke'anmaj na. Xwi i ajawinel kinkamsaj na.

2 Samuel 3:27

I ma Abner are xupon pa tinimit Hebrón, xk'am b'i rumal ma Joab putzal pan uchija, man kelapan kitukel. Are je o chik kitukel, i ma Joab le xujil b'i ch'ich' che upam ma Abner, are uri xkamik, elsab'al roywal che rumal ukamsaxik ucha' chi etz ma Asael.

2 Samuel 2:8

Ma Abner, chi uk'ojol ma Ner, chi aj-atzil chke achiyab' chi je yij che i ch'oj re ma Saúl, xuk'am b'i a Is-boset chi uk'ojol ma Saúl pa tinimit Mahanaim,