2 Samuel 3:16 - Wuj Pa K'ubultzij

¹⁶ Xwiri ma Paltiel ko'ik xterej b'i chrij ati Mical, xterej b'i chrij k'a pa Bahurim. Chila ma Abner xutzalijsaj kanoq. Are uri ma Paltiel xtzalij b'ik.

2 Samuel 3:16 Referans Kwoze

2 Samuel 19:16

Xaq ma Simei, chi uk'ojol ma Gera, re utzob'ajil ma Benjamín, chi alaxnaq chila pa tinimit Bahurim, xub'isoj li qajik ku' i achiyab' aj Judá chuya'ik i utz laj k'unik che i ajawinel.

2 Samuel 16:5

Are xupon ma David chila pa tinimit Bahurim, are uri jun achi jun chke i ralk'uwal kan etz ma Saúl, xel loq xaq xujeq uk'oqoxik. I achi le ma Simei ub'i, chi uk'ojol ma Gera,

1 Reyes 2:8

Xaq chakojo retalil we o ma Simei awu', chi uk'ojol ma Gera, chi aj Bahurim, chi je utzob'ajil ma Benjamín. Man are achi le xutz'onoj jun nim laj k'oqb'al pinwi are enam we pa tinimit Mahanaim. Xwiri chrijil chik ile xinuk'ulaj chi raqana Jordán, yin lik xinb'ij, pub'i i Ajwal, chi kinkamsaj taj.

2 Samuel 17:18

Xwiri o jun ala xerilo, i ala le x-e la chub'ixkil che ma Absalón. Rumali chi ma Jonatán xaq ma Ahimaas le pa'anem xe'e la chi rachoch jun achi chi jeqel pa tinimit Bahurim, chila xkuwaj wi kib' chupam jun k'otom chi o chwaja.

2 Samuel 3:15

Are uri ma Is-boset xutaq umajik ati Mical che ma Paltiel chi rachijil, chi uk'ojol ma Lais.

2 Samuel 23:31

ma Abi-albón, chi aj Arbatita; ma Azmavet, chi aj Bahurim;

JEREMÍAS 41:6

Are uri ma Ismael lik ko'ik xel li pa Mizpa, x-e chkik'ulaxik pa taq b'e. Are xkiriq kib' xub'ij chke: —Chixpetoq chiwila ma Gedalías, chi uk'ojol ma Ahicam.

2 Samuel 19:17

I ma Simei le achnimam kumal lajujwinaq kamo' (1,000) achiyab' aj Benjamín. Xaq ma Siba, chi kajchak i ralk'uwal ma Saúl, achnimam kumal jo'lajuj rak'al xaq juwinaq winaq chi je o pa k'ax rumal ire; ike le nab'e xeupon chila chi raqana Jordán chwach i ajawinel,