2 Samuel 20:3 - Wuj Pa K'ubultzij

³ I ma David are xtzalij li pa nim laj rachoch pa Jerusalén, xeuk'am i lajuj qas ti mer rixoqil chi je uya'om kan chuchajixik i nim laj ja re i ajawinel, xeutz'apij chupam jun ja xaq lik xukoj chajal chke, chila xeril wi xaq xeutzuq wi, xwiri xumin ti chik rib' ku'. Are uri i ixoqib' le xekanaj kan chila che i ja le pacha taq je malkan, k'a are xekamik.

2 Samuel 20:3 Referans Kwoze

2 Samuel 15:16

Keje uri ile chi i ajawinel x-anmaj b'i chila, x-achnimax b'i kumal i je rajpatan chi je o prachoch, xwi xeukanaj kan lajuj ixoqib' chi je qas ti mer rixoqil man kkichajij kan i nim laj ja re i ajawinel.

GÉNESIS 40:3

rumali xeumin prexil chi rachoch i aj-atzil ke i chajal, chila ipa tz'apil wi a José.

2 Samuel 20:2

Are uri konojel i achiyab' aj Israel xko'taj kan ma David, man xeterej b'i chrij ma Seba, chi uk'ojol ma Bicri. Xwiri i achiyab' aj Judá, chi je jeqel chila pa Jordán k'a che i tinimit Jerusalén, lik xko'taj ti kan i ajawinel.